یەكێتی: حكومەتی عیراق رێگە لەدەستوەردانی سوپا بگرێت
کوردستان 07:05 PM - 2025-02-17
PUKMEDIA
لۆگۆی یەکێتيی نیشتمانیی كوردستان
مەكتەبی سیاسی یەكێتیی نیشتمانیی كوردستان، لەسەر دەستوەردانەكانی سوپای عیراق هاتە دەنگ و لەڕاگەیەندراوێكدا داوا لەحكومەتی ئیتیحادی دەكات رێگە لەدەستوەردانی سوپا لەكەیسی دێهاتەكانی كەركوك و دەوروبەری بگرێت و رایدەگەیەنێت: "حكومەت فەرمان بەیەكەكانی سوپای وڵات بكات پابەندی بەرپرسیارێتی نیشتمانی و دەستوریی بێت و دەست لەگرفتە ناوخۆییەكان وەرنەدات".
دەقی راگەیەندراوەكەی مەكتەبی سیاسی:
یەكێتیی نیشتمانیی كوردستان داوا لە حكومەتی ئیتحادی دەكات رێگا لەدەستوەردانەكانی هێزەكانی سوپا بگرێت لەكەیسی زەویوزاری دێهاتەكانی كەركوك و دەوروبەری و فەرمان بە یەكەكانی سوپای وڵات بكات پابەندی بەرپرسیارێتی نیشتمانی و دەستوری خۆی بێت لەدەستوەرنەدان لەگرفتە ناوخۆییەكانی ناو كۆمەڵگەی عیراقی و پێكهاتەكانی.
یەكێتیی نیشتمانیی پێیوایە ئیشی سوپا نییە بەشێك بێت لەگرفتە ناوخۆییەكان و چارەسەری ململانێكانی زەویوزار و موڵكداریش هەرگیز بەبەكارهێنانی ناڕەوای هێزو پەلاماردانی هاووڵاتیان سەرناگرێت و رێگا دروستەكەی چارەسەری ناكۆكی لەسەر موڵكوماڵ نییە، چونكە لایەنگیری دامەزراوەكانی دەوڵەت، بەتایبەتیش سوپا كە ئەركی پاراستنی سنوورەكانی وڵاتە، بۆ هەر لایەنێك لەهەر ململانێیەكی ناوخۆییدا پێشینەیەكی مەترسیدارەو پێشێلكردنی دەستوریی وڵاتیشە، هەروەك پێشێلكردنی یاسا پەسەندكراوەكانی ئەنجومەنی نوێنەرانیشە كە تازەكیی بڕیارەكانی رژێمی پێشووی بەعسی لەسەر موڵك و زەویوزاری جوتیاران هەڵوەشاندووەتەوە.
ئێمە پێمانوایە دیاردەی خۆهەڵقورتاندنی هێزەكانی سوپای لە كێشەی زەویوزار لە ناوچەیەكی هەستیاری وەكو ناوچە دابڕاوەكانی كەركوك هیچ ژینگەیەكی تەندروست بۆ بەرقەراركردنی یاساو دەستوور دابین ناكات، بەڵكو ئاڵۆزتریشی دەكات، ئەركی سەرۆكوەزیرانی حكومەتی ئیئتلافیشە روونتر ئەم بەرپرسیارێتییە نیشتمانیی و دەستورییە بگرێتە ئەستۆو بە هیممەتتر لەسەری بێتە جواب.
مەكتەبی سیاسیی
یەكێتیی نیشتمانیی كوردستان
١٧-٢-٢٠٢٥
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

