لێبوردنی گشتی ئەو کەسانە ناگرێتەوە کەتاوانیان بەرامبەر ئێزدییەکان ئەنجامداوە

ئەنجومەنی دادوەری

کۆبوونەوەی تایبەت بە گفتوگۆکردنی لێبوردنی گشتی

ئەنجومەنی دادوەری دووپاتیکردەوە یاسای لێبوردنی گشتی ئەو کەسانە ناگرێتەوە کە تاوانیان بەرامبەر ئێزدییەکان ئەنجامداوە.

لەکۆبوونەوەیەکدا کە لەنیوان سەنتەری نیشتمانیی هەماهەنگی دادوەری و بەڕێوەبەرایەتی گشتی کاروباری رزگاربووانی ئێزدی سەبارەت بە یاسای لێبوردنی گشتی ئەنجامدرا عەلی حسێن جڤات سەرۆکی سەنتەری نیشتمانی هەماهەنگی دادوەری دووپاتیکردەوە:" ئەو کەسانەی تاوانی رفاندن و بەدیلگرتنی ژنانی ئێزدییان ئەنجامداوە یاسای لێبوردنی گشتی ژمارە ٢٧ی ساڵی ٢٠١٦ و ئەو هەمووارەی کە ئەنجومەنی نوێنەران لەڕۆژی ٢١-١-٢٠٢٥ دەنگی لەسەردا نایانگریتەوە، چونکە ماددەی ژمارە ٩ ی یاسای رزگاربووە ئێزدییەکان ژمارە ٨ ساڵی ٢٠٢١ دەڵێت، هەرکەسێک تاوانی رفاندن و بەدیلگرتنی کچە ئێزیدییەکانی داوە هیچ لێبوردنێک نایگرێتەوە".

ئەمەش لەکاتێکدایە کۆبوونەوە لەنیوان کۆمەڵێک لە رێکخراوەکانی کۆمەڵگەی مەدەنی کراوە، بۆ ئەوەی بەڵگەنامەی تایبەت بەرزگاربووە ئێزدییەکان ئەرشیف بکرێن و وتەکانیان وەربگیرێت. 

PUKMEDIA