سەرۆککۆمار و جێگری سەرۆکوەزیرانی هەرێم: دیالۆگ چارەسەری کێشەکانە

نووسینگەی راگەیاندنی سەرۆككۆماری عیراق

پێشوازی سەرۆككۆمار لە جێگری سەرۆكی حكومەتی هەرێم

د.لەتیف جەمال رەشید سەرۆككۆماری عیراق رۆژی دوو شەممە 3 ی شوباتی 2025 لە بەغدا پێشوازی لە قوباد تاڵەبانی جێگری سەرۆكی حكومەتی هەرێمی كوردستان كرد.

لەكۆبوونەوەیەكدا دوایین پێشهاتەكانی وڵات بەگشتی و هەرێمی كوردستان بەتایبەتی تاوتوێكران و سەرۆككۆمار تەئكیدی لەپێویستی گرتنەبەری دیالۆگی كاریگەر و جددی كردەوە لەپێناو چارەسەركردنی كێشە هەڵپەسێردراوەكانی نێوان حكومەتی فیدراڵ و حكومەتی هەرێمی كوردستان بەگوێرەی دەستوور و یاسا. هەروەها باس لە دەنگدانی ئەنجومونی نوێنەران كرا لە سەر پڕۆژە یاسای هەمواری یەكەمی یاسای بوجەی گشتی فیدراڵی و جەختكرایەوە لەسەر ئەوەی ئەم هەمواركردنە ببێتەی مایەی خەرجكردنی شایستەدارییەكانی فەرمانبەرانی هەرێم و چارەسەری كێشەكانی نێوان حكومەتی فیدراڵی و حكومەتی هەرێم بە شێوەیەك ببێتە مایەی خۆشگوزەرانی و خواستەكانی هاووڵاتیان بەدیبهێنێت و پێداویستییەكانی ژیانیان دابین بكات.

لای خۆیەوە قوباد تاڵەبانی ستایشی رۆڵی سەرۆككۆماری كرد لە نزیككردنەوەی بیروبۆچوونەكان و دۆزینەوەی چارەسەر بۆ كێشە هەڵپەسێردراوەكان بەشێوەیەك كە ژیانێكی ئازاد و شكۆمەند بۆ هەموو خەڵك مسۆگەر بكات.

PUKMEDIA