ئەنجومەنی نوێنەرانی عیراق دەنگ بە هەمواری بودجە دەدات

PUKMEDIA

ئەنجومەنی نوێنەرانی عیراق

ئەمڕۆ2 ـی2ـی 2025 ئەنجومەنی نوێنەرانی عیراق لە دانیشتنی خۆیدا دەنگ بە پرۆژە یاسای هەمواری بودجە دەدات و ئەندامێکی ئەنجومەنەکەش دەڵێت:" رێکەوتنی پێشوەختە بۆ تێپەڕاندنی پڕۆژە یاساکە کراوە".

سەباح حەبیب ئەندامی ئەنجومەنی نوێنەران لە فراکسیۆنی یەکێتی بە وێبسایتی رەسمی یەکێتیی نیشتیمانیی کوردستان PUKMEDIA ی راگەیاند:" ئەمڕۆ دانیشتنی ئەنجومەنی نوێنەران بۆ دەنگدان بە بە هەمواری پرۆژە یاسای بودجە بەڕێوەدەچێت".

" پێش دانیشتنەکە رێککەوتن لە نێوان فراکسیۆنەکان کراوە و دەنگ بە پرۆژە یاساکە دەدرێت و لە پەرلەمان تێدەپەڕێنرێت"، سەباح حەبیب وایوت.

پرۆژە یاسای هەمواری بودجە، ماوەیەکی زۆرە لە پەرلەمانە و بەهۆی ناکۆکی فراکسیۆنەکان تاوەکو ئێستا تێنەپەڕێندراوە، کە پەیوەستە بە خەرجی بەرهەمهێنانی نەوتی هەرێمی کوردستان ، بە تێپەڕاندنی کاریگەری دەبێت لە سەر شایستە داراییەکانی هەرێمی کوردستان.

PUKMEDIA