شاناز ئیبراهیم ئەحمەد پشتگیرییەکانی بۆ خانەی رۆشنبیری منداڵان دووپاتدەکاتەوە

نوسینگەی رۆژنامەوانی شاناز ئیبراهیم ئەحمەد

خانمی یەکەمی عیراق و بەڕێوەبەری گشتی خانەی رۆشنبیری منداڵان

رۆژی 26-1-2025 لە کۆشکی سەلام لە بەغدا، شاناز ئیبراهیم ئەحمەد خانمی یەکەمی عیراق پێشوازیکرد لە دکتۆر ئیسماعیل سلێمان حەسەن بەڕێوەبەری گشتی خانەی رۆشنبیری منداڵان.

لەدیدارێکدا چەندین بابەتی پەیوەست بە منداڵان و چۆنیەتی بنیاتنانی کەسایەتی منداڵ تاوتوێ کران و خانمی یەکەم ئاماژەی بە هەوڵەکانی لایەنە پەیوەندیدارەکان کرد بۆ هێنانەدی ئەو ئامانجە و ستایشی ڕۆڵی گرنگی دامەزراوە تایبەتەکانی کرد لە هۆشیارکردنەوەی خەڵک و پەروەردەکردنی منداڵان.

هاوکات خانمی یەکەمی عیراق لە نزیکەوە ئاگاداری چالاکییەکانی خانەی رۆشنبیری منداڵان بوو، دەستپێکردنەوەی ئەو پرۆژانەی دووپاتکردەوە کە بەهۆکاری جیاجیا راگیراون، هەروەک لە دیدارەکەدا باس لە چۆنیەتی پەرەپێدانی هاریکاری و هەماهەنگی لەبوارەکانی رۆشنبیری وەک ئامادەکردنی پڕۆژە و کۆنفرانس و پێشانگا کرا.

لەبەرامبەردا د.ئیسماعیل سلێمان سوپاس و پێزانینی خۆی بۆ خانمی یەکەم دەربڕی بۆ پاڵپشتی و خەمخۆری بەردەوامی بۆ منداڵان.

PUKMEDIA