دەزگای ئاسایش بکوژی گەنجەکەی رانیەی دەستگیرکرد

PUKMEDIA

لۆگۆی دەزگای ئاسایش

دەزگای ئاسایشی هەرێم لەماوەی کەمتر لە ٢٤ سەعات دا  بکوژی  ژیناڵ ئیبراهیم کەریم )  لە رانیە رادەگەیەنێت، کە لەرووداوێکی شەڕ و تەقەکردن دا سێ کەسیش برینداربوون. 


بە گوێرەی راگەیەندراوێکی دەزگای ئاسایش کە ئەمڕۆ 27/1/2025 بڵاویکردەوە و وێنەیەکی بۆ PUKMEDIA نێردراوە رایدەگەیەنێت:" شەوی ٢٥-٢٠٢٥/١/٢٦ لە گەڕەکی شەهیدانی شاری ڕانیە، بەهۆی دروستبوونی گرژی و ئاڵۆزی لەنێوان چەند گەنجێکدا کەسێک دەکوژرێت بەناوی ( ژیناڵ ئیبراهیم کەریم )لەدایکبووی ساڵی ٢٠٠٤، سێ کەسیش بریندار دەبن و پاش ڕووداوەکە بەڕێوەبەرایەتی ئاسایشی ڕاپەڕین دەستبەجێ لێکۆڵینەوە و بەدواداچونیان لەسەر ڕووداوەکە ئەنجامدا"

دەزگای ئاسایشی هەرێم دەڵێت:" بەبڕیاری دادوەری لێکۆڵینەوەی ئاسایش لەماوەی کەمتر لە ٢٤ سەعات دا بکوژەکەیان بەناوی ( م ، م ، أ ) دەستگیرکرد لەگوندی (زه‌نگڵان) لەپشدەر کە لەهەوڵی دەربازبونیدابووە بۆ ئەودیو سنورەکانی هەرێمی کوردستان".


"تۆمەتبار بەماددەی ( ٤٠٦ )لەیاسای سزادان ڕاگیراوە و دانیبەتاوانەکەیداناوە و لێکۆڵینەوە لە دۆسییەکەی بەردەوامە"،لەڕاگەیەنراوەکەدا هاتووە.


PUKMEDIA