پەرلەمانتارێکی یەکێتی بۆ بەپارێزگابوونی هەڵەبجە ئیمزای پەرلەمانتاران کۆدەکاتەوە

PUKMEDIA

هەڵەبجە

ئەندامێکی فراکسیۆنی یەکێتی لەئەنجومەنی نوێنەرانی عێراق بۆ دەنگدان بە بەپارێزگابوونی هەڵەبجە ئیمزای پەرلەمانتاران کۆدەکاتەوە.

چرۆ حەمەشەریف، ئەندامی فراکسیۆنی یەکێتی لە ئەنجومەنی نوێنەرانی عێراق بەوێبسایتی رەسمی یەکێتی PUKMEDIA ی رایگەیاند: “ماوەی زیاتر لە دوو هەفتەیە لە هەوڵداین بۆ ئەوەی دەنگدانی بەپارێزگابوونی هەڵەبجە بخرێتە بەرنامەی کاری پەرلەمانی عیراقەوە".

" لەو چوارچێوەیەشدا هەوڵمانداوە زیاتر لە 100 ئیمزا کۆبکەینەوەو بەردەوامیشین و گەشبینین، کە دەنگدان بەپارێزگابوونی هەڵەبجە بخرێتە بەرنامەی دانیشتنەکانی پەرلەمانەوە". چرۆ حەمە شەریف وادەڵێت.

ساڵی ڕابردوو پرۆژەی بەپارێزگابوونی هەڵەبجە خرایە دانیشتنەکانی پەرلەمانەوەو توانرا خوێندنەوەی یەکەم و دووەمی بۆ بکرێت و لەئێستاشدا فراکسیۆنی یەکێتی هەوڵەکانی چڕکردوەتەوە بۆئەوەی خوێندنەوەی کۆتایی بۆ بکرێت و بەڕەسمی لەلایەن پەرلەمانی عیراقەوە هەڵەبجە وەک پارێزگا بناسێنرێت.

PUKMEDIA