ئاسۆ مامەند: PUKMEDIA سەرچاوەیەکی متمانە پێکراوە

ئەرشیف

ئاسۆ مامەند سەرپەرشتیاری کەرکوک-سەڵاحەدینی یەكێتیی نشتمانیی كوردستان

ئاسۆ مامەند سەرپەرشتیاری کەرکوک-سەڵاحەدینی یەكێتیی نشتمانیی كوردستان، بەبۆنەی (22)هەمین ساڵڕۆژی دامەزراندنی سایتی PUKMEDIA وە پیرۆزبایی لە سەرنووسەر و رۆژنامەنووسانی سایتەکە دەکات و رایدەگەیەنێت:"ئەرک و ماندووبوونتان لە كایەی میدیایدا بەرزدەنرخێنم، سایتەکەتان سەرچاوەیەکی  درووست و متمانە پێکراوە لە گەیاندنی هەواڵ و زانیاریی، توانیوتانە ببنە ناوەندێکی پەخش و بڵاوکردنەوە".

دەقی پیرۆزباییەکە:

بەڕێزان/ سەرنووسەر و رۆژنامەنووسانی ئازیزی سایتی PUKMEDIA
 
بەبۆنەی (22)مین ساڵڕۆژی دامەزراندنی سایتی PUKMEDIA، گەرمترین پیرۆزباییتان لێدەكەم و هیوای بەرەوپێشچوونی زیاترتان بۆ دەخوازم.

ئەرک و ماندووبوونتان لە كایەی میدیایدا بەرزدەنرخێنم، سایتەکەتان سەرچاوەیەکی  درووست و متمانە پێکراوە لە گەیاندنی هەواڵ و زانیاریی، توانیوتانە ببنە ناوەندێکی پەخش و بڵاوکردنەوە.

سایتی PUKMEDIA کە زمانحاڵی میدیای رەسمی یەكێتیی نیشتمانیی كوردستانیشە، بەرپرسیارانە و پیشەییانە ئەرکەکانی سەرشانی خۆی راپەڕاندووە و راستگۆیانە رووداوو پێشهاتەكانی بەبێ دەستوەردان رووماڵکردووە.

دووبارە (22)مین ساڵڕۆژی دامەزراندنی سایتی PUKMEDIA لە بەڕێزتان و تەواوی خوێنەران پیرۆز بێت.

ئاسۆ مامەند 
سەرپەرشتیاری کەرکوک-سەڵاحەدینی یەكێتیی نشتمانیی كوردستان

PUKMEDIA