سەرۆك بافڵ پەیامێكی پیرۆزبایی ئاڕاستەی دۆناڵد ترەمپ دەكات

PUKMEDIA

بافڵ جەلال تاڵەبانی سەرۆكی یەكێتی و دۆناڵد ترەمپ سەرۆكی ئەمریكا

بافڵ جەلال تاڵەبانی سەرۆكی یەكێتیی نیشتمانیی كوردستان لە پەیامێكی پیرۆزباییدا بەبۆنەی هەڵبژاردنی دۆناڵد ترەمپ وەك 47 هەمین سەرۆكی ئەمریكا  لەتۆڕی كۆمەڵایەتی (X)  ڕایدەگەیەنێت: "چاوەڕێم لەگەڵ ئیدارەی نوێی ئەمریكا كاربكەم بۆ بەرەوپێشبردنی ئاشتی و سەقامگیری لەناوچەكەدا".

دەقی پەیامەكە:

لە قووڵایی دڵمەوە پیرۆزبایی خۆم ئاڕاستەی سەرۆك دۆناڵد ترەمپ دەكەم بەبۆنەی دەستبەكاربوونی وەك سەرۆكی ویلایەتە یەكگرتووەكانی ئەمریكا. 
سەركردایەتییەكەی لاپەڕەیەكی نوێ لە پەیوەندییە بەردەوامەكانی نێوان گەلی كورد و گەلی ئەمریكادا هەڵدەداتەوە.

بەوپەڕی خۆشحاڵییەوە چاوەڕێم لەگەڵ ئیدارەی نوێی ئەمریكا كاربكەم بۆ بەهێزكردنی پەیوەندییە مێژووییەكانمان و بەرەوپێشبردنی ئاشتی و سەقامگیری لە ناوچەكەدا، گەلی كورد و گەلی ئەمریكا پێكەوە دەتوانن جیهانێكی سەلامەتتر و ئاوەدانتر بۆ هەمووان بنیادبنێن.

PUKMEDIA