دۆناڵد ترهمپ وهك 47 ههمین سهرۆكی ئهمریكا سوێندی یاسایی خوارد
جیهان 08:13 PM - 2025-01-20
ميدياكان
دۆناڵد ترهمپ وهك 47 ههمین سهرۆكی ئهمریكا سوێندی یاسایی خوارد
رێوڕەسمی سوێندخواردنی دۆناڵد ترەمپ بۆ دەستبەكاربوونی وەك 47ـەمین سەرۆكی ویلایەتە یەكگرتووەكانی ئەمریكا بەڕێوەچوو، بە كۆمەڵێك بەرنامەو پلانی تایبەتەوە چوار ساڵی داهاتوو سەرۆكایەتی ئەو وڵاتە دەكات، لە رێوڕەسمەكەشدا دۆناڵد ترەمپ رایگەیاند: "سەردەمی زێڕینی ئەمریكا دەستپێدەكات و پاشەكشەناكەین و رێگانادەین ئەمریكا لەپلەی یەكەمدا نەبێت".
دۆناڵد ترەمپ لە رێوڕەسمی سوێندخواردنی وەك 47ـەمین سەرۆكی ویلایەتە یەكگرتووەكانی ئەمریكا رایگەیاند: "ئەركەكەم بە باشترین شێوە جێبەجێ دەكەم و تۆڕە تاوانكارییەكان لەنادەبەین و هیواو ئاشتی خۆشگوزەرانی دەگەڕینینەوەو بەوپەڕی توانامەوە دەستوور دەپارێزم".
وتیشی: "ئێستا حكومەتێكمان هەیە بچوكترین قەیرانی پێچارەسەر ناكرێت، بۆیە سەروەریمان دەگەڕێنینەوەو لەبەردەم چەرخی سەركەوتنداین".
دۆناڵد ترهمپ: بههێزهوه كارهكانم دهستپێدهكهمهوه
ئەمەش لەكاتێكدایە پێشتریش دۆناڵد ترەمپ سەرۆكی ئەمریكا لەئاهەنگی سەركەوتنیدا بەبەشداری هەزاران لایەنگر وتارێكی پێشكەش كردو رایگەیاند: "بۆ چارەسەركردنی هەر قەیرانێك كە رووبەڕووی ئەمریكا دەبێتەوە، بەخێرایی و هێزێكی بێ وێنەوە كارەكانم دەستپێدەكەمەوە، هاوكات بەڵێنیشیدا بە كۆتاییهێنان بە دۆسییەی كۆچبەرە نایاساییەكان و جارێكی تریش دووپاتیكردووەتەوە كە لە یەكەم رۆژی دەستبەكاربوونیدا 100 مەرسومی سەرۆكایەتی دەردەكات".
هاوكات كهناڵی سی ئێن ئێن ئاشكرایكردوه، ترهمپ یاریدهدهرهكانی راسپاردوه بۆئهوهی دوای چهند رۆژێكی كهم له دهستبهكاربوونی، پهیوهندییهكی تهلهفۆنی لهگهڵ ڤلادیمیر پوتن سهرۆكی روسیا بۆ رێكبخهن.
پلانی ترەمپ بۆ چوار ساڵی داهاتووی ئەمریكا
دۆناڵد ترەمپ سەرۆكی ویلایەتە یەكگرتووەكانی ئەمریكا، پلان و بەرنامەی خۆی بۆ چوار ساڵی داهاتوو ئاشكرا كردووە كە بریتین لە:
- كەمكردنەوەی باج لەسەر داهاتی خەڵك، زیادكردنی پێناسی گومركی لەسەر بەرهەمی بیانی بۆ بووژاندنەوەی بازاڕی بەرهەمی نێوخۆ و كەمكردنەوەی پشتبەستن بە بازاڕی دەرەكی.
- كەمكردنەوەی تێچووی دەرمان و چارەسەری پزیشكی، زیادكردنی دەسەڵاتی ویلایەتەكان بەسەر كەرتی تەندروستیدا.
- تەواوكردنی دیواری سەر سنووری نێوان ئەمریكا و مەكسیك، بەكارهێنانی سوپا بۆ رێگریكردن لە كۆچبەرانی نایاسایی .
- پاشەكشەكردن لە رێككەوتن و یاساكانی پاراستنی ژینگە، برەودان بە سووتەمەنییە بەبەردبووەكانی وەك نەوت و گاز و خەڵووز.
- كەمكردنەوەی پارەی وزەی سرووشتی و نوێبووەوە
- رێگریكردن لە وەبەرهێنانی چینی لە ئەمریكا
- بەهێزكردنی هاوپەیمانیی ئەمریكا لەگەڵ ئیسرائیل
- كەمكردنەوەی رۆڵی ئەمریكا لە ململانێكانی جیهان
- وەستاندنی جەنگەكانی غەززە و ئۆكرانیا
ژیاننامەی دۆناڵد ترەمپ
دۆناڵد ترەمپ لەساڵی 1946 لە نیویۆرك لەدایكبووەو ئێستا تەمەنی 79 ساڵە، لەژیانیدا سێ جار هاوسەرگیریی كردوە، هاوسەری یەكەمی ناوی ئیڤانا بووەو لە 1977 تاوەكو 1992 بەیەكەوە ژیاون، هاوسەری دووەمی ناوی مارلا مەیپڵس بووەو لە 1993-1999 بەیەكەوە ژیاون، هاوسەری سێیەمیشی میلانیا ترەمپە كە لەساڵی 2005 ەوە تاوەكو ئێستا پێكەوەن.
دۆناڵد ترەمپ خاوەنی پێنج منداڵە بەناوەكانی، دۆناڵد ترەمپ جونیۆر، لەدایكبووی ساڵی 1977 و ئیڤانكا ترەمپ، لەدایكبووی ساڵی 1981 و ئێریك ترەمپ، لەدایكبووی ساڵی 1984 و تیفانی ترەمپ، لەدایكبووی ساڵی 1993 و بارۆن ترەمپ، لەدایكبووی ساڵی 2006.
PUKMEDIA
هەواڵی زیاتر
-
بەرهەمهێنانی گازی سروشتی بۆ وێستگەكانی كارەبا دەستپێدەکاتەوە
05:35 PM - 2025-11-29 -
ئەحمەد میرە: میدیا سیخوڕەکان هەوڵی ناشرینکردنی سلێمانی دەدەن
03:44 PM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
11:13 AM - 2025-11-29 -
دوو كهشتی لهدهریای رهش تهقینەوە
10:19 AM - 2025-11-29
ئەمانەش ببینە
خۆپیشاندانەکەی هەولێر بریندار و کوژراوی لێدەکەوێتەوە
02:36 PM - 2025-11-29
دابهشكردنی مووچهی مانگی ئهیلول راگهیهندرا
02:14 PM - 2025-11-29
هێرشهكهی كۆرمۆر و كاردانهوهكان
12:32 PM - 2025-11-29
مووچەی مانگی ئەیلوول بۆ هەرێم نێردرا
11:25 AM - 2025-11-29
زۆرترین خوێنراو
-
چەخماخ لێدە، چراکەم هەڵنەکردووە...
بیروڕا 01:49 PM - 2025-11-29 -
هێرشهكهی كۆرمۆر و كاردانهوهكان
کوردستان 12:32 PM - 2025-11-29 -
مووچەی مانگی ئەیلوول بۆ هەرێم نێردرا
کوردستان 11:25 AM - 2025-11-29 -
ئەمریکا.. دوای هێرشەکەی نزیک کۆشکی سپی دەرگا بەڕووی پەنابەراندا دادەخات
جیهان 11:13 AM - 2025-11-29 -
دوو كهشتی لهدهریای رهش تهقینەوە
جیهان 10:19 AM - 2025-11-29 -
بارانبارین ههرێمی كوردستان و عیراق دهگرێتهوه
عیراق 09:49 AM - 2025-11-29 -
رووی (سیا)ی میدیای چەواشە لە دۆسیەی كۆرمۆردا
بیروڕا 11:10 PM - 2025-11-28 -
لەسەر ڕاسپاردەی مەڵبەندی ڕاپەڕین موەلیدەکانی سنوورەکە کەوتنەوە کار
کوردستان 10:47 PM - 2025-11-28






.jpg)
دابەزێنە

