بۆردی راگەیاندن بۆ کەناڵ 8: سەلماندتان دەتوانن سەکۆی هەموو وەرگران بن

کەناڵ 8

لۆگۆی کەناڵ 8

بۆردی ڕاگەیاندنی یەکێتیی نیشتمانیی کوردستان، بەبۆنەی تێپەڕبوونی ساڵێک بەسەر دامەزراندنی  کەناڵ 8 دا پەیامێکی پیرۆزبایی ئاڕاستەی سەرۆك و ئەندامانی بۆردی بەرێوەبەردنی  کەناڵەکە دەکات و رایدەگەیەنێت:"ئەزموونی سەرکەوتووتان لەڕوماڵی هەڵبژاردنی ئەنجومەنی پارێزگاکانی عیراق و هەڵبژاردنی پەرلەمانی کوردستان و هەڵبژاردنی پارێزگارێکی کورد بو کەرکوک، سەلماندی کە بە سەنگینی و بەرپرسیاریەتێکی پیشەیی بەرزەوە دەتوانن سەکۆی هەموو وەرگران بن".

دەقی پەیامەکە:

بەڕێزان سەرۆک و ئەندامانی بۆردی کەناڵ 8 

ساڵیادی دامەزراندن و پەخشی کەناڵ 8 لە ئێوەی بەڕێز و تەواوی میدیاکارانی کەناڵەکەتان پیرۆز بێت و  هیوای سەرکەوتنی بەردەوام و دەستکەوت و داهێنانی بەردەوامتان بۆ دەخوازین، تا لەسەر هەمان کاروانی ڕوماڵی سەنگین و سەربەخۆ و بەرپرسیارانە بەردەوام بن، کە لەماوەی ساڵێکی تەمەنیدا، کەناڵ 8ی پێدەناسرێتەوە. 

ئەزموونی سەرکەوتووتان لەڕوماڵی هەڵبژاردنی ئەنجومەنی پارێزگاکانی عیراق و هەڵبژاردنی پەرلەمانی کوردستان و هەڵبژاردنی پارێزگارێکی کورد بو کەرکوک، سەلماندی کە بە سەنگینی و بەرپرسیاریەتێکی پیشەیی بەرزەوە دەتوانن سەکۆی هەموو وەرگران بن. 

جارێکی تریش پیرۆزبایتان لێدەکەین

بۆردی ڕاگەیاندنی 
یەکێتیی نیشتمانیی کوردستان

PUKMEDIA