کۆمسیۆن داوا دەکات پارەی کارمەندانی سەر سندوق خەرجبکرێت

PUKMEDIA

لۆگۆی كۆمسیۆنی باڵای سه‌ربه‌خۆی هه‌ڵبژاردنه‌كانی عیراق

تائێستا پارەی كارمەندانی سەرسندوقی هەڵبژاردنی ئەنجومەنی پاریزگاکانی عیراق دابەشنەكراوەو كۆمسیۆنی عیراقیش داوادەکات: " بەزووترین کات وەزارەتی دارایی عیراق لەڕێگەی بانکەکانەوە پارەی کارمەندانی سەر سندوقی هەڵبژاردنی  ئەنجومەنی پاریزگاکانی عیراق خەرجبکات".

بەپێی نوسراوێکی کۆمسیۆنی باڵای سەربەخۆی هەڵبژاردنەکانی عیراق کە ئاڕاستەی نوسینگەی سەرۆکوەزیرانی کردووە تێیدا داوایکردووە، "بەزووترین کات وەزارەتی دارایی عیراق لەڕێگەی بانکەکانەوە پارەی کارمەندانی سەر سندوقی هەڵبژاردنی ئەنجومەنی پاریزگاکانی عیراق  خەرجبکات، کە بڕەکەی لە ٥٠ هەزار دینارەوە دەستپێدەکات بۆ ٣٥٠ هەزار دینار".

هەر بەپێی نوسراوەکە، کۆمسیۆنی باڵای سەربەخۆی هەڵبژاردنەکانی عیراق ئاماژە بەوەشکردووە، سەرجەم زانیارییەکانیان لەڕێگەی سیدییەوە سەرجەم زانیارییەکانمان بۆ وەزارەتی دارایی عیراق ناردووە.


ئەمەش لەکاتێکدایە، تا ئێستا پارەی کارمەندانی سەر سندوقی هەڵبژاردنی خولی شەشەمی پەرلەمانی کوردستان کە لەلایەن کۆمسیۆنی باڵای سەربەخۆی هەڵبژاردنەکانی عیراقەوە سەرپەرشتی دەکرا دابەشنەکراوە.

PUKMEDIA