یەکێتی و پارتی کۆدەبنەوە

PUKMEDIA

لۆگۆی یەکێتی و پارتی

یەکێتیی نیشتمانیی کوردستان و پارتی دیموکراتی کوردستان جارێکی دیکە بۆ پێکهێنانی حکومەت و بەگەڕخستنی پەرلەمانی کوردستان لەم هەفتەیەدا کۆدەبنەوە.

سەرچاوەیەک لەوەفدی یەکێتی بۆ کۆبوونەوە لەگەڵ لایەنە سیاسییەکان بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" بڕیارە لەچەند رۆژی داهاتوودا وەفدی یەكێتیی نیشتمانیی كوردستان و پارتی دیموكراتی كوردستان، جارێکی دیکە بۆ پێكهێنانی حكومەت و کاراکردنەوەی پەرلەمانی کوردستان كۆببنەوە".


" کۆبوونەوەکە درێژکراوەی کۆبوونەوەکانی پێشووی نێوان هەردوولایە، بۆ گفتوگۆکردن لەبارەی چۆنێتی پێكهێنانی حكومەتی نوێی هەرێمی كوردستان و بەگەڕخستنی پەرلەمانی كوردستان، هاوكات تاوتوێی بارودۆخی ئێستای هەرێم و عیراق و ناوچەکە دەکرێت" سەرچاوەکە وایوت.

ئەمەش لەکاتێکدایە، پێشتر یەکێتی و پارتی رۆژی ٣٠-١١-٢٠٢٤ لەسلێمانی و رۆژی ١٧-١٢-٢٠٢٤ لەپیرمام کۆبوونەوە و هەردوولا هاوڕابوون کە بەزووترین کات کار لەسەر ئامادەکردنی بەرنامەیەکی هاوبەش بکەن، بۆ قۆناغەکانی داهاتووی هەرێمی کوردستان، بەشێوەیەک کە پارێزگاری لە پێگە و سەقامگیری لەهەرێمی کوردستان و ماف و بەرژەوەندییەکانی هاووڵاتیان و سەرجەم پێکهاتەکان بکات، هەروەها بڕیارێکی تری کۆبوونەوەکە پێکهێنانی لیژنەیەکی هاوبەش بوو کە بۆ کۆبوونەوەی ئایندە کار لەسەر ئامادەکردنی رەشنووسێک لەسەر ئەو بەرنامەیە بکات کە دانراوە.

PUKMEDIA