گوشار و فشاری سەر سلێمانی هەمیشە هەر مایەپوچ بووە

PUKMEDIA

بینای مەکتەبی راگەیاندنی یەکێتی

سەرۆ قادری پرۆفیسۆر و داهێنەری زمانی زبری پارتی لە دیدارێکی تەلەفزیۆنیدا و لەسەر شاشەی کەناڵێکی رەسمی ئەو حزبە، وەک هەمیشە ناخی خۆی و رقی سیاسی بەرامبەر بە سلێمانی خستەڕوو، وتی:" تەنها گوشار ناخرێتە سەر حەشدی شەعبی، بەڵکو گوشار دەخرێتە سەر سلێمانیش !!!.

لەسەر ئەم قسە بێسەر و بەرە و نابەرپرسیارانەی سەرۆ قادر و هاوئاوازەکانی، ئێمە وەکو بەشی هەڵسەنگاندن و بەدواداچوونی بۆردی راگەیاندنی یەکێتیی نیشتمانیی کوردستان، بەلای ئێمەوە ئەم جۆرە قسانە شتێکی تازەو نامۆنین و نامانەوێت وەڵامی بدەینەوە، تەنها بەسەرۆ قادر دەڵێین ئێوە تاکەی تێرنابن لە گوشارخستنە سەر سلێمانی؟.

ئێوە بەو فشارخستنە سەر سلێمانی چ شتێکتان دەست کەوتووە؟ ئەوەی لەتوانای ئێوەدابوو لە ماوەی حەوت ساڵی رابردوودا بە پێدانی زانیاری ناڕاست و راپۆرتی چەواشەکاری بەمەرامی گوشارخستنە سەر سلێمانی و پەکخستنی فڕۆکەخانەی سلێمانی کردتان !.

- ئەوەی لەتوانای ئێوەدابوو لە پەکخستنی پرۆژە خزمەتگوزارییەکان و جیاکاریی نێوان شارەکاندا و گوشارخستنە سەر سلێمانی کردتان .

- ئێستا لەگەڵ هاتنە پێشەوەی هەندێ پێشهات و گۆرانکاری، بەتایبەتی بابەتی پرۆسەی ئاشتی لە تورکیاو سوریاو هەوڵدان بۆچارەسەرکردنی پرسی کورد لەرێی ئاشتی و دانوستانەوە لەو دوو وڵاتە،  بە سەرکەوتنی پرۆسەی ئاشتی نەک گوشار ناخرێتە سەر سلێمانی، بەڵکو کۆتایی بە گوشارەکانی ئێوە دێت و سلێمانی بەقەد باڵای پیرەمەگرون  بە سەربەرزیی دەمێنێتەوە.

PUKMEDIA