لە سوریاوە 222 هاووڵاتی كەركوك و ئەنبارو سەڵاحەدین و نەینەوا گەڕێندرانەوە

وەزارەتی کۆچ و کۆچبەرانی عیراق

گەڕانەوەی عیراقییەکان بۆ زێدی خۆیان

ژمارەیەك هاووڵاتی عیراقی كە لەناوچەكانی گرێ سپی و ئیدلب و عەزازی و سەرێكانی سوریابوون گەڕانەوە بۆ زیدی خۆیان لەكەركوك و نەینەواو سەڵاحەدین و ئەنبار.
 

بەگوێرەی راگەیندراوێكی وەزارەتی كۆچو كۆچبەرانی عیراق كەوێنەیەكی بۆ PUKMEDIA نێردراوە، رایدەگەیەنێت: "بەدوو كاروانی جیا  222 هاووڵاتی عیراق كە لەسنووری سوریاو توركیا بوون، لەدەروازەی ئیبراهیم خەلیلەوە لەزاخۆ، گەڕانەوە بۆ عیراق و بڕیاریشە لەچەند رۆژی داهاتوودا كاروانێكی دیكەی عیراقی بگەڕێندرێنەوە".

بەپێێ راگەریەندراوەكە، گێڕانەوەی ئەو عیراقیانە بەهەماهەنگی باڵیۆزخانەی عیراق لەتوركیا و كونسوڵخانەی عیراق لەغازی عەنتاب و نوسینگەی دهۆكی وەزارەتی گواستنەوەی عیراق جێبەجێكراوە.

PUKMEDIA