شاناز ئیبراهیم ئەحمەد: هیوادارم مەسیحییەکان لەئاشتی و ئارامیدا بژین

PUKMEDIA

شاناز ئیبراهیم ئەحمەد خانمی یەکەمی عیراق

خانمی یەکەمی عیراق لەسلێمانی سەردانی کەنیسەی ماریوسفی کرد و هیوای ئاشتی و ئارامی بۆ مەسیحییەکان و ساڵێکی پر لە خۆشی بۆ تەواوی جیهان خواست.

ئەمڕۆ ٢٥-١٢-٢٠٢٤ بەبۆنەی لەدایکبوونی حەزرەتی مەسیح-ەوە، شاناز ئیبراهیم ئەحمەد خانمی یەکەمی عیراق لەسلێمانی سەردانی کەنیسەی ماریوسفی کرد و دواتر لەکۆنگرەیەکی رۆژنامەوانیدا رایگەیاند:"هیوای ساڵێکی پڕ لەخۆشی و سەرکەوتن بۆ خوشک و برا مەسیحییەکان دەخوازم و هیوادارم هەمووان لەئاشتی و ئارامیدا بژین بەتایبەتی مەسیحییەکان کە لەهەندێک وڵات فشاریان لەسەرە و هەست بە نائارامی دەکەن".

"هیوادارم ساڵی نوێ ساڵێکی پڕ لەخۆشی و کامەرانی بێت و کۆتایی بەکوشتار و ئازاردانی مرۆڤ بهێنرێت لەسەرتاسەری جیهاندا و هەوڵبدەین پەند لەڕابردوو وەربگرین"،خانمی یەکەمی عیراق وایوت.

PUKMEDIA