بنکەی رووناکبیری گەلاوێژ خەڵاتی رێزلێنان دەبەخشێتە مەکتەبی راگەیاندن و هۆشیاری

PUKMEDIA

بنکەی گەلاوێژ خەڵات دەبەخشێتە مەکتەبی راگەیاندن و هۆشیاری

ئەمڕۆ ٢٤-١٢-٢٠٢٤ عیماد ئەحمەد لێپرسراوی مەکتەبی راگەیاندن و هۆشیاری، پێشوازی لە د . ئیبتسام ئیسماعیل سەرۆکی بنکەی گەلاوێژ و ئەندامانی بنکەکە کرد.

لەدیدارێکدا بەبایەخەوە دووپات لە هەماهەنگی و هاریکاری بەردەوامی نێوان هەردوولا کرایەوە بۆ پەرەپێدانی کارە رووناکبیری و رۆشبیرییەکان لە هەرێم و عیماد ئەحمەد بە گرنگییەوە ئاماژەی بە هەموو ئەو هەوڵانە کرد، کە کایەی رووناکبیری و رۆشنبیری بەرەو پێشدەخەن و  تەئکیدکردەوە یەکێتی پشتیوانی لەهەر خاوەن قەڵەم ، کەسایەتی ، ناوەند ، کۆمەڵەو رێکخراوێک دەکات کەلەوچوارچێوەیەدا خزمەتی گەلەکەمان دەکەن و بەبیروهزری رۆشنیان هاوکار دەبن بۆ گەشەپێدانی کۆمەڵگاکەمان ، رێز لەهەموو دەنگە ئازاد و ئازاو و رووانیە جیاوازەکانیش دەگرین، هاوکات لەوڕووەوە ستایشی خزمەت و هەوڵەکانی بنکەی رووناکبیری گەلاوێژی کرد و  روونیکردەوە وەک هەمیشە بۆردی راگەیاندن ، بۆردی هۆشیاری هەماهەنگتان دەبن بۆ سەرخستنی هەر کاروپرۆژەیەکتان کە لە خزمەت گەشەپێدانی هۆشیاری و بیرو پێگەیاندنی نەوەیەکی رۆشنبیر بێت لە هەرێمەکەمان .

لەبەرامبەردا سەرۆکی بنکەی رووناکبیری گەلاوێژ سوپاس و پێزانینی پێبایانیی ئاڕاستەی مەکتەبی راگەیاندن و هۆشیاری کرد لەپای هاوکارییەکانیان بۆ سەرخستنی بیست و حەوتەمین فێستیڤاڵی نێودەوڵەتی گەلاوێژ و  روونیکردەوە لەپێناو شکۆی وشە و  بەردەوامی کارە رووناکبیرییەکاندا  گەلاوێژ  بە پرۆژەو روئیایەکی نوێوە درێژە بە کاروانی خزمەتەکانی  دەدات و  دەیکەینە ماڵی یەکەمی هەموو رووناکبیرانی گەلەکەمان و بەبێ جیاوازی خزمەتی نووسەران دەکات.

PUKMEDIA