وەرگرتنی سامپڵ لەتاقانەکانی ئەنفال بەچوار قۆناغ کۆتاییهات

PUKMEDIA

وەرگرتنی سامپڵ

پرۆسەی وەرگرتنی سامپڵ لەتاقانەکانی ئەنفال لەهەرێمی کوردستان بەچوار قۆناغ کۆتاییهات، سەرپەرشتیاری پرۆژەکەش رایدەگەیەنێت:"تا ئێستا نزیکەی هەزار و ٦٠٠ سامپلی خوێن وەرگیراوە، کە ئەمە دڵۆپێکە لە دەریایەک".

پەری نوری عەزیز راوێژكار لە سەرۆكایەتی كۆماری عیراق بە وێبسایتی یەکێتیی نیشتمانی کوردستان PUKMEDIA راگەیاند:"هەرچەندە بەهۆی زۆری رێژەی ناوی ئەنفالکراوان، ژمارەو داتاکانمان بەتەواوی لەلانییە، بەڵام تا ئێستا نزیکەی هەزار و ٦٠٠سامپلی خوێن وەرگیراوە، کە ئەمە دڵۆپێکە لە دەریایەک".

"پرۆسەی وەرگرتنی سامپڵی تاقانەکانی ئەنفال بەچوار قۆناغ کۆتایی هات، بەڵام تا ئێمە لەسەر ئەم کارە بەردەوام بین پرۆژەکە بەردەوامی دەبێت و بریارە ساڵی داهاتووش وەرگرتنی سامپڵ لەتاقانەکانی ئەنفال درێژەی هەبێت". پەری عەزیز وای وت.

ئەمەش لە کاتێکدایە لەسەر داواو ئەركی خاتوو شاناز ئیبراهیم ئەحمەد خانمی یەكەمی عیراق تیمێكی وەرگرتنی سامپڵی خوێن بۆ پشكنینی DNA لەكەسوكاری شەهیدان هاتنە هەرێمی كوردستان، هاوکات لە ئەمساڵدا پرۆژەی وەرگرتنی سامپڵی خوێنی تاقانەکانی ئەنفال لە هەرێمی کوردستان بە چوار قۆناغ دەستیپێکرد، کە لەشاری چەمچەماڵ بەقۆناغێک و کەلار بە دوو قۆناغ و کۆیە بە یەک قۆناغ سامپڵەکانی تێدا وەرگیراون.

وه‌رگرتنی سامپڵی خوێن پڕۆسه‌یه‌كی گرنگه‌ بۆ ناسینه‌وه‌ی ئه‌و روفاتانه‌ی له‌مه‌وبه‌ر له‌ گۆڕه‌ به‌كۆمه‌ڵه‌كان ده‌رهێندراون و سامپڵیان لێ وه‌رگیراوه‌ تا له‌ رێگای به‌رواردی تاقیگه‌یی كاری به‌راوردكردنیان له‌سه‌ر بكرێت.

دوای روخانی رژێمی به‌عس ساڵی 2003 له‌ چه‌ند گۆڕێكی به‌كۆمه‌ڵدا ژماره‌یه‌ك روفاتی ئه‌نفالكراو له‌ناوچه‌ جیاوازه‌كانی عیراق ده‌رهێنراونه‌ته‌وه‌و له‌ پزشكی دادوه‌ری نمونه‌ی ئێسكیان لێ وه‌رگیراوه‌ تاكو له‌ داهاتوودا به‌ به‌راوردكردن له‌گه‌ڵ سامپڵی خوێنی كه‌سوكاری ئه‌نفالكراوان و به‌گوێره‌ی ئه‌و كۆده‌ی له‌سه‌ر كێلی گۆڕه‌كانه‌ دوای پشكنینی تاقیگه‌یی روفاته‌كان بناسرێنه‌وه‌.

PUKMEDIA