ئەنجومەنی نوێنەران بۆدەنگدان لەسەر چەند پرۆژە یاسایەکی گرنگ کۆدەبێتەوە

PUKMEDIA

کۆبوونەوەی ئەنجومەنی نوێنەرانی عیراق

ئەمڕۆ ٨-١٢-٢٠٢٤ ئەنجومەنی نوێنەرانی عیراق، بۆ دەنگدان لەسەر سێ پرۆژە یاسا ناکۆکی لەسەرەکە و گفتوگۆ لەسەر بودجە و چەند پرۆژە یاسایەکی دیکە کۆدەبێتەوە.

بەدریە حسێن ئەندامی ئەنجومەنی نوێنەرانی عیراق لەفراکسیۆنی یەکێتی بە وێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" بۆ تێپەڕاندنی پرۆژە یاساکان شەوی رابردوو لایەنە سیاسییەکان کۆبوونەوەیەکمان ئەنجامدا".

"هیوادارم ئەمڕۆ بەبێ کێشە هەردوو پڕۆژەکەی کورد دەنگیان لەسەر بدرێت و تێبپەڕێنرێن،کە یەکێکیان پڕۆژە یاسای هەڵوەشاندنەوەی بڕیاڕی رژێمی بەعس بۆگەڕاندنەوە زەوی وزار وموڵکەکانە بۆ خاوەنە رەسەنەکانیان ودووەمیان هەموارکردنەوەی پرۆژە یاسای بودجەی گشتی کە تایبەتە بە ماددەی١٢بۆ هەناردەکردنی نەوت"،بەدریە حسێن وایوت.

ئەمەش لەکاتێکدایە بەپێی کارنامەی دانیشتنی ئەمڕۆی ئەنجومەنی نوێنەرانی عیراق، لەدانیشتنەکەدا دەنگ لەسەر پڕۆژە یاسای باری کەسایەتی ژمارە ۱٨٨ بۆ ساڵی ۱۹٥۹و گەڕاندنەوە موڵک وماڵ وزەییە کشتوکاڵیەکان و پڕۆژەیاسای لێبوردنی گشتی و لە سەر یاسای دەزگای هەواڵگری و هەمواری یاسای پاسپۆرت دەدرێت و هاوکات گفتوگۆ لەسەر پرۆژە یاسای بەدجەی گشتی و هەمواری پڕۆژە یاسای فڕکەوانیی سڤیل دەکرێت.

PUKMEDIA