نەتەوەیەکگرتوەکان: شەر لە سوریا 370 هەزار کەس ئاوارە دەکات

ئاژانسەکان

ئاوارەبوونی دانیشتووانی سوریا

وتەبێژی رێکخراوی نەتەوەیەکگرتوەکان رایگدەگەیەنێت:" دوای سەرهەڵدانەوەی شەڕی ناوخۆ لە سوریا لە کۆتایی مانگی ڕابردووەوە تائێستا  زیاتر لە 370 هەزار کەس ئاوارەبوون، كە زۆربەیان ژن و منداڵن و دەیان هەزار کەسیش پەنایان بۆ ناوچەكانی ژێر دەسەڵاتی هەسەدە بردووە".'

ستیفان دوجاریک  وتەبێژی  نەتەوەیەکگرتوەکان لە کۆنگرەیەکی رۆژنامەوانیدا لە نیویۆرکی ئەمریكا رایگەیاند:" دوای سەرهەڵدانەوەی شەڕی ناوخۆ لە سوریا  زیاتر لە 370 هەزار کەس ئاوارەبوون، كە زۆربەیان ژن و منداڵن".

"دەیان هەزار کەس پەنایان بۆ ناوچەكانی باکوری رۆژهەڵاتی سوریا (ناوچەكانی ژێر دەسەڵاتی هێزەكانی سوریا دیموكرات-هەسەدە) بردووە، هەروەها زۆرێک لە پەناگە فریاگوزارییەکان لە ئێستاوە گەیشتونەتە ئەوپەڕی توانای خۆیان، ناتوانن چیتر ئاوارە وەربگرن". وتەبێژی نەتەوەیەکگرتوەکان وادەڵێت

وتەبێژەكەی نەتەوەیەكگرتوەكان دۆخی هاووڵاتیان بە ناهەمواری سەخت وەسف دەکات و دەڵێت:" خەڵکی ناچارن لەسەر شەقامەکان یان لەناو ئۆتۆمبێلەکانیاندا لە پلەی گەرمی ژێر سفردا بخەون ، هەروها شەڕەکە زیانی بە ژێرخانی ژیانی گەیاندوە و ڕێڕەوەی هاوکارییە سەرەکییەکانی پەکخستوە"

PUKMEDIA