ئەنجومەنی نوێنەرانی عیراق میوانداری سودانی دەکات

PUKMEDIA

ئەنجومەنی نوێنەرانی عیراق

بڕیارە ئەمڕۆ ٤-١٢-٢٠٢٤ ئەنجومەنی نوێنەرانی عیراق میوانداری محەمەد شیاع سودانی بکات و دەنگ لەسەر چەند پرۆژە یاسایەک بدات، ئەندامێکی ئەنجومەنی نوێنەرانی عیراقیش دەڵێت:" میوانداریکردنی محەمەد شیاع سودانی بۆ باسکردنی بارودۆخی عیراق و ئەو ئاڵۆزییانەیە کە لە سوریا روویداوە".

سەباح شێخ حەبیب ئەندامی ئەنجومەنی نوێنەرانی عیراق لەفراکسیۆنی یەکێتی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:"بڕیارە ئەمڕۆ ١٢-٤-٢٠٢٤ دانیشتنی ژمارە ٢٠ی ئەنجومەنی نوێنەرانی عیراق بەڕێوەبچێت و لە بڕگەی یەکەمدا میوانداری محەمەد شیاع سودانی بۆ باسکردنی بارودۆخی عیراق و ئەو ئاڵۆزییانەی لە سوریا روویداوە دەکرێت".

"بڕگەی دووەمی دانیشتنەکە دەنگدانە لەسەر پرۆژە یاسای دەزگای هەواڵگری نیشتمانیی و هاوکات لەبڕگەی سێهەمدا دەنگ لەسەر پێشنیاری هەمووارکردنەوەی یەکەمی یاسای پاسپۆرت دەدرێت"، سەباح شێخ حەبیب وایوت.

ئەو ئەندامەی ئەنجومەنی نوێنەرانی عیراق وتیشی:"هەر لەدانیشتنەکەدا خوێندنەوەی دووەم بۆ هەمووارکردنەوەی یاسای بودجەی سێ ساڵیی‌ بۆ ساڵی 2025، كه‌ هه‌مواری بڕگەی خه‌رجی و داهات و بڕی تێچوی به‌رمیلێك نه‌وتی بەرھەمھێنراوی ھەرێمی کوردستانیش لەخۆدەگرێت دەکرێت، هاوکات یاسای فرۆکەوانی مەدەنیش هەموواردەکرێتەوە".

بەپێی کارنامەی دانیشتنی ئەمڕۆی ئەنجومەنی نوێنەرانی عیراق، لەدانیشتنەکەدا میوانداری محەمەد شیاع سودانی بۆ باسکردنی بارودۆخی عیراق و ئەو ئاڵۆزییانەی لە سوریا روویداوە دەکرێت و دەنگ لەسەر پرۆژە یاسای دەزگای هەواڵگری نیشتمانیی و پێشنیاری یاسای هەمووارکردنەوەی یەکەمی یاسای پاسپۆرت دەدرێت، هەروەها خوێندنەوەی دووەم بۆ هەمووارکردنەوەی یاسای بودجەی سێ ساڵیی‌ بۆ ساڵی 2025، كه‌ هه‌مواری بڕگەی خه‌رجی و داهات و بڕی تێچوی به‌رمیلێك نه‌وتی بەرھەمھێنراوی ھەرێمی کوردستانیش لەخۆدەگرێت دەکرێت و یاسای فرۆکەوانی مەدەنیش هەموواردەکرێتەوە.

PUKMEDIA