راگەیەندراوێک لە لیژنەی ئەمنی سلێمانییەوە

ئاژانسەکان

سلێمانی

لیژنەی ئەمنی سلێمانی هەواڵی چەواشەکارانەی چەند پەیج و ماڵپەڕێک رەتدەکاتەوەو رایدەگەیەنێت: " هیچ گۆڕانکارییەک بەسەر بڕیاری دەستبەسەرا گرتن و قەدەغەکردنی ئۆتۆمبێلە بێ سەرەتاکاندا نەهاتوە".

لیژنەی ئەمنی سلێمانی لە راگەیەندراوێکدا کە کۆپییەکی بۆ PUKMEDIA نێردراوە رایگەیاند: "هیچ گۆڕانکارییەک بەسەر بڕیاری دەستبەسەرا گرتن و قەدەغەکردنی ئۆتۆمبێلە بێ سەرەتاکاندا نەهاتوەو هەر بڕیارێک لەلایەن لیژنەی ئەمنییەوە بدرێت زۆر جدییە و بەتەواوی جێبەجێ دەکرێت".

"هەواڵی هەموو ئەو پەیج و ماڵپەڕ و کەناڵانە رەتدەکەینەوە کەلەو بارەیەوە بڵاویان کردوەتەوەو رایدەگەیەنین کە ئەو جۆرە هەواڵانە چەواشەکارین"، لیژنەکە وادەڵێت.

راشیگەیاند: "بۆ ھەموو لایەکی رادەگەیەنین بەھیچ جۆرێک ھیچ پاشگەز بونەوە و گۆرانگاری بەسەر بڕیارەکەمان نەھاتووە چونکە بڕیارێکی سەرپێیی نەبووە و زۆر بەووردی دیراسە کراوە و کۆدەنگی و ھەماھەنگی سەرجەم لایەنە پەیوەندیدارەکانی لەسەرە و بەتەواوی نیەتمانە کۆتایی بە پاشاگەردانی ویاساشکێنی وشێواندنی سیمای شارستانی و ئارامی شاری سلێمانی پایتەختی رۆشنبیرین".

PUKMEDIA