دیاریی سەرۆک بافڵ پێشکەش بەوارسی شەهیدانی 16ی ئۆکتۆبەر کرا

راگەیاندنی مەکتەبی شەهیدان و تێکۆشەرانی یەکێتی

دیاریی سەرۆک بافڵ پێشکەش بە وارسی شەهیدانی 16ی ئۆکتۆبەر دەکرێت

ئەمڕۆ سێشەممە لە مەراسیمێکی شایستەدا وارسی شەهیدانی 16ی ئۆکتۆبەر دیاریی سەرۆک بافڵ جەلال تاڵەبانی-یان پێشکەشکرا.

لهۆن شەهید حەمە فەرەج هەورامی لێپرسراوی راگەیاندنی مەکتەبی شەهیدان و تێکۆشەرانی یەکێتیی نیشتمانیی کوردستان بە وێبسایتی رەسمی یەکێتی PUKMEDIA ی راگەیاند: "ئەمڕۆ ٢٦-١١-٢٠٢٤ لە مەراسیمێکی شایستەدا مەکتەبی شەهیدان و تێکۆشەران بەئامادەبوونی جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتی دیاریی سەرۆک بافڵ-یان پێشکەش بە وارسی شەهیدانی 16ی ئۆکتۆبەر کرد".

"لەمەراسیمەکەدا 36 وارسی شەهیدانی 16ی ئۆکتۆبەر ئامادەبوون و رێزلێنانیان پێبەخشرا، کە سەرجەمیان شەهیدی یەکێتیی نیشتمانیی کوردستانن و لە کەرکوک و خورماتوو شەهیدبوون"، لهۆن شەهید حەمە فەرەج وایوت.

مەراسیمەکە سەعات 11ی پێشنیوەڕۆی ئەمڕۆ ٢٦-١١-٢٠٢٤ لە بارەگای ئەنجومەنی بەرژەوەندییە باڵاکانی یەکێتیی نیشتمانیی کوردستان لە سلێمانی بەڕێوەچوو.

PUKMEDIA