مەراسیمی یادی 155 ساڵەی بەقەزابوونی هەڵەبجە بەڕێوەچوو

ئاژانسەکان

پارێزگای هەڵەبجە

ئەمڕۆ یەک شەممە 24-11-2024 مەراسیمی یادی 155 ساڵەی بەقەزابوونی هەڵەبجە بە دروشمی (هەڵەبجە ئاسمانێک لە ئازادی.. سەرزەمینێک لە جوانی) بەرێوەچوو.

ئازاد تۆفیق پارێزگاری هەڵەبجە رایگەیاند: "ئێمە فەخر و شانازی بە هەڵەبجەوە دەکەین و کورد بە گشتی قەرزاری مێژووی ئەدەبی و رۆشنبیری هەڵەبجەیە، بەشێکی زۆری شاعیر و ئەدەبدۆستانی مێژووی کورد خەڵی شار و ناحیە و گوندەکانی هەڵەبجە بوون".

"هەڵەبجە و شارەزور و هەورامان وەک چۆن لە ئازار و ئەشکەنجە و داماڵینی رابردوو یەک بوون هەرواش لەهەموو پێشکەوتنێکی دینی و سیاسی و ئەدەبی و شارستانی و کلتوریدا یەکن"، پارێزگاری هەڵەبجە وای وت.

لەمەراسیمەکەدا بەرپرسانی حزبی و حکومی و ئیدارەی پارێزگا و خەڵکی شارەکە بەشدارییان کردو چەندین چالاکی ئەدەبی و هونەری بەرێوەچوو.

PUKMEDIA