ئامادەکاری بۆ پێشوازی لە پەرلەمانتاران دەکرێت

PUKMEDIA

د. فواد ئەحمەد راوێژکاری پەرلەمان

ئامادەکاری بۆ پێشوازیکردن لە نوێنەرانی خولی شەشەمی پەرلەمانی کوردستان و دەستپێکردنی دانیشتنەکانی پەرلەمان دەکرێت، راوێژکاری پەرلەمانیش دەڵێت: "بەباشی خۆمان ئامادەکردووە، بۆئەوەی پەرلەمانتاران بەزووی بکەونە سەر کارەکانیان".

د. فواد ئەحمەد راوێژکاری پەرلەمان و سەرۆکی سەنتەری توێژینەوەی پەرلەمان بە PUKMEDIA ی راگەیاند: "ئێمە ئەرکمان قورسە چونکە دەبێت بەباشی ئامادەکاری بکەین و هاوکاری پەرلەمانتارانی نوێ بین، لەماوەی رابردوو لەرووی کارگێڕی و زانیارییەوە بەباشی خۆمان ئامادە کردووە، بۆ ئەوەی کەپەرلەمانتاران هاتنە ناو پەرلەمان بتوانن بەزووی بکەنە سەر کارەکانیان".

"ئەرکی ئێمەیە پشتیوانی پەرلەمانتاران بین لە راپەڕاندنی ئەرکە پەرلەمانییەکانی بۆ ماوەی چوار ساڵی داهاتوو، لەرووی ئیداری و کارگێڕی و پیدانی زانیارییەوە باشترین ئامادەکارییمان کردووە"، د، فواد ئەحمەد وای وت.

سەنتەری توێژینەوەی پەرلەمان بە ١٠ رێبەری جیاواز پێشوازی لە ١٠٠ ئەندامی نوێی خولی شەشەمی پەرلەمانی کوردستان دەکات، کەلە رێبەرەکاندا رێبەری پەرلەمانتاران بۆ یاسادانان و چاودێریکردن و چۆنێتی نوێنەرایەتی کردنی هاووڵاتیان دەکات.

PUKMEDIA