محەمەد شیاع سودانی گەیشتە هەولێر

PUKMEDIA

ساتی گەیشتنی سودانی بۆ شاری هەولێر

محەمەد شیاع سودانی سەرۆك وەزیرانی عیراق گەیشتە شاری هەولێر و بڕیارە لەسەردانەکەیدا تاوتوێی پرسی موچە و بودجە، سەرژمیری گشتی، هەناردەکردنی نەوت و کێشە چارەسەرنەکراوەکانی دیکەی نێوان هەولێر و بەغدا بکات.

سەرۆک وەزیرانی عیراق جگە لەوەی لەگەڵ لێپرسراوانی حکومی کۆبوونەوەی دەبێت، بڕیارە سەردانی سلێمانیش بکات و لەگەڵ بافڵ جەلال تاڵەبانی سەرۆکی یەکێتیی نیشتمانیی کوردستان کۆببێتەوە.

بەپێی زانیارییەکانی PUKMEDIA تەوەری سەردانەکەی سەرۆکوەزیران، پەیوەستە بە گفتوگۆکردن لەبارەی بابەتە سەرەکییە سیاسیی و حکومییەکانی نێوان هەولێر و بەغدا بەتایبەتی پرسی هەناردەکردنەوەی نەوت، کێشەی بودجە و مووچە، سەرژمێری گشتی عیراق و چەند تەوەرێکی دیکەی رۆژ.

PUKMEDIA