ئەنجومەنی پارێزگای كەركوك كۆدەبێتەوە

PUKMEDIA

ئەنجومەنی پارێزگای كەركوك

بڕیارە رۆژی سێ شەممە، ئەنجومەنی پارێزگای كەركوك، حەوتەمین كۆبوونەوەی خۆی لەسەر چەند پرسێك ئەنجامبدات و تێیدا میوانداری فەرمانگەی ئەندازیاری و فەرمانگەی كارەبای كەركوك بكات.

د. ئەحمەد كەركوكی ئەندامی ئەنجومەنی پارێزگای كەركوك بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: "بەپێی كارنامەی كۆبوونەوەكە، ئەنجومەنەكە میوانداری فەرمانگەی ئەندازیاری نیشتەجێی پڕۆژەو راوێژكاران بۆ پڕۆژەی دیزاینی بنەڕەتی شاری كەركوك دەكات".

"بڕیارە هەر لەكۆبوونەوەكەدا میوانداری فەرمانگەی دابەشكردنی كارەبای كەركوك سەبارەت بەخزمەتگوزاری و كۆكردنەوە بكرێت" د. ئەحمەد كەركوكی وادەڵێت.

ئەم دوو میواندارییە لەكاتێكدایە كەبڕیار بوو لەكۆبوونەوەی رابردوودا ئەنجامبدرێن، بەڵام بۆ كۆبوونەوەی داهاتوو دواخرا كەبڕیارە رۆژی 5-11-2024 ئەنجامبدرێت.

PUKMEDIA