رۆچونی زەوی تونێلی دەربەندیخان دادەخات

PUKMEDIA

دیمەنی داڕمانەکە

بەهۆی رۆچوونی زەوییەوە رێگای تونێلی دەربەندیخان راگیرا و ئاستەنگی هاتوچۆ دروستبووە، قایمقامی دەربەندیخانیش بڕیاریدا تونێلەکە بەشێوەیەکی کاتی بەڕووی هاووڵاتیاندا بکرێتەوە.

بەپێی زانیارییەکانی PUKMEDIA رۆچوونی زەویی لاپاڵی شاخی تونێلەکە بەهۆی ئەوشەپۆلی بارانەوەبووە، کە لە 24 سەعاتی رابردوودا رووی لە هەرێمی کوردستان کردووە، بەڕیوەبەرایەتی کەشناسی و بومەلەرزەزانی هەرێمیش رایگەیاندووە، شەپۆلەکە 24 سەعاتی داهاتووش بەردەوام دەبێت.

قائیمقامی دەربەندیخان داوای هاوکاری دەکات

دوای رووداوەکە قائیمقامی دەربەندیخان بڕیاریدا بەشێوەیەكی كاتی تونێلی دەربەندیخان بەرووی هاووڵاتیاندا بکرێتەوە و لەئێستاشدا تیمەكان سەرقاڵی پاككردنەوەی رێگەی بەردەم تونێلەكەن و داوا دەکەن هاووڵاتیان هاوکاریان بن.

ئەمەش لەکاتێکدایە لە ماوەی 12 سەعاتی رابردوودا لە دەربەندیخان 37.2ملم باران باریوە.