لیستی مووچە تەسلیمی بەغدا کراو هەوڵەکان بۆ تەوتین بەردەوامن

PUKMEDIA

مووچەی فەرمانبەران

وەزارەتی دارایی و ئابوری حکومەتی هەرێم لیستی مووچەی مانگی تشرینی یەکەمی فەرمانبەرانی تەسلیمی وەزارەتی دارایی عیراق کرد، لەو چوارچێوەیەشدا هەوڵەکانی فراکسیۆنی یەکێتی لە ئەنجومەنی نوێنەران بۆ تەوتینی موچەو جێبەجێکردنی بڕیاری دادگای فیدراڵی بەردەوامن.

وەزارەتی دارایی و ئابوری هەرێم لە راگەیەندراوێکدا کە کۆپییەکی دەست PUKMEDIA کەوتوە رایگەیاند: "ئەمڕۆ یەک شەممە ( ٢٠٢٤/١١/٣ ) لیستی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان لەلایەن نوێنەری وەزارەتی دارایی و ئابووری هەرێمی کوردستانەوە تەسلیمی بەڕێوبەرایەتی گشتی ژمێریاری لەوەزارەتی دارایی حکومەتی فیدراڵ کرا".

هەوڵەکانی فراکسیۆنی یەکێتی بۆ تەوتین بەردەوامن

هەوڵەكانی یەكێتی بۆ جێبەجێكردنی تەوتینی مووچەخۆرانی هەرێم بەردەوامیان هەیەو لەو چوارچێوەیەشدا فراكسیۆنی یەكێتی 125 ئیمزای پەرلەمانتارانی بۆ كۆكردووەتەوە.

هاوكات كاروان یاروەیس ئەندامی فراكسیۆنی یەكێتی لەئەنجومەنی نوێنەرانی عیراق بە بەوێبسایتی رەسمی یەكێتی PUKMEDIA ی راگەیاند: "فراكسیۆنی یەكێتی لەئەنجومەنی نوێنەرانی عیراق دەستیكردووە بەكۆكردنەوەی ئیمزای پەرلەمانتاران بەمەبەستی پشتیوانی لەبڕیارەكەی دادگای باڵای فیدراڵی عیراق سەبارەت بەجێبەجێكردنی تەوتینی مووچەخۆرانی هەرێم".

"تائێستا 115 پەرلەمانتارو سەرۆكی 10 فراكسیۆنی كوردستانی و عیراقی ئیمزایان لەسەر یاداشتەكەی فراكسیۆنی یەكێتی كردووەو هەڵمەتەكە بەردەوام دەبێت" كاروان یاروەیس وادەڵێت.

PUKMEDIA