زەوییەکانی کورد و تورکمان لەکەرکوک بەداگیرکراوی ماونەتەوە

ئاژانسەکان

کۆنگرەی رۆژنامەوانی رێکخراو و چالاکوانانی مەدەنی

رێکخراو و چالاکوانانی کۆمەڵگەی مەدەنی لەشاری کەرکوک هەڵوێستی خۆیان سەبارەت بە زەوییە داگیرکراوەکانی کورد و تورکمان دەخەنەڕوو رایدەگەیەنن:" داواکارین زەویوزاری کورد و تورکمان نەکرێتە قوربانی عەقڵیەتی شۆڤێنی و بڕیارێک کەسیستمە دیکتاتۆرەکەی روخاوە و کۆتایی پێهاتووە، بەڵام هێشتا بڕیار نادادە و داگیرکارییەکانی زیندووە".

رێکخراوەکانی کۆمەڵگەی مەدەنی لەشاری کەرکوک لە کۆنگرەیەکی رۆژنامەوانیدا هەڵوێستی خۆیان سەبارەت بە زەوییە داگیرکراوەکانی کورد و تورکمان خستەڕوو رایانگەیاند:"وەک رێکخراو و چالاکوانانی کۆمەڵگەی مەدەنی لەشاری کەرکوک لەسۆنگەی پەرۆشیمان بۆ سیستمی دیموکراسی و گەڕاندنەوەی زەوییە زەوتکراوەکان، بەپێویستمان زانی پەرۆشی خۆمان دەرببڕین بۆ هەوڵەکانی تێپەڕاندن و هەڵوەشاندنەوەی بڕیاری مەجلیسی قیادەی سەورا و نیگەرانی خۆشمان سەبارەت بە هەوڵەکانی بەربەست خستنە بەردەم تێپەڕاندنی هەڵوەشاندنەوەی بڕیارەکە بخەینەڕوو".

راشیانگەیاند:"بەداخەوە سەرەڕای بوونی رێککەوتن و زۆرینەی رەها لێرە بەشێوازی ناشارستانی کێشە دروستدەکرێت بۆ ئەم پرۆسە گرنگ و جێی بایەخە، بۆیە داواکارین زەویوزاری کورد و تورکمان نەکرێتە قوربانی عەقڵیەتی شۆڤێنی و بڕیارێک کەسیستمە دیکتاتۆرەکەی روخاوە و کۆتایی پێهاتووە، بەڵام هێشتا بڕیار نادادە و داگیرکارییەکانی زیندووە".

PUKMEDIA