‎ سەرۆك بافڵ بۆ مەشهەدانی: ئامادەگیتان رۆڵی پەرلەمان چالاكتردەكات

PUKMEDIA

سەرۆک بافڵ

بەبۆنەی هەڵبژاردنی مەحمود مەشهەدانی بەسەرۆكی ئەنجومەنی نوێنەرانی عیراق، ‎ بافڵ جەلال تاڵەبانی سەرۆكی یەكێتیی نیشتمانیی كوردستان پەیامێكی پیرۆزبایی ئاڕاستەی سەرۆكی نوێی ئەنجومەنی نوێنەران دەكات و رایدەگەیەنێت: "دڵنیاین كە ئامادەگی ئێوە رۆڵی گرنگی پەرلەمان چالاكتر دەكات لە جێبەجێكردن و ئەو پابەندیانەی كە لەهاوپەیمانی ئیدارەی دەوڵەتدا رێككەوتنیان لەسەر كراوە".

دەقی پیرۆزباییەكە:
برای بەڕێز جەنابی د. مەحمود مەشهەدانی

بەناوی خۆم و  یەكێتیی نیشتمانیی كوردستانەوە پیرۆزبایتان لێدەكەین بەبۆنەی بەدەستهێنانی متمانەی ئەنجومەنی نوێنەرانی عیراق.

 دڵنیاین كە ئێوە دەتوانن سەرۆكایەتی ئەنجومەنەكە بكەن، چونكە دڵنیاین كە ئامادەگی ئێوە رۆڵی گرنگی پەرلەمان چالاكتر دەكات لە جێبەجێكردن و ئەو پابەندیانەی كە لەهاوپەیمانی ئیدارەی دەوڵەتدا رێككەوتنیان لەسەر كراوە لە ساتەوەختی پێكهێنانی حكومەت دا. 

تەواوی پشتگیری و هاوكارتان دەبین  بۆ جێبەجێكردنی رۆڵی گرنگتان لەم ئەركەدا.

سڵاو و هیوای سەركەوتنمان قبوڵ بكەن.
بافڵ جەلال تاڵەبانی
سەرۆكی یەكێتیی نیشتمانیی كوردستان

PUKMEDIA