فراكسیۆنی یەكێتی لەپەرلەمانەوە هەوڵی جێبەجێكردنی تەوتین دەدات

PUKMEDIA

کاروان یاروەیس

هەوڵەكانی یەكێتی بۆ جێبەجێكردنی تەوتینی مووچەخۆرانی هەرێم بەردەوامی هەیەو لەو چوارچێوەیەشدا فراكسیۆنی یەكێتی 125 ئیمزای پەرلەمانتارانی بۆ كۆكردووەتەوە.

هاوكات كاروان یاروەیس ئەندامی فراكسیۆنی یەكێتی لەئەنجومەنی نوێنەرانی عیراق بە بەوێبسایتی رەسمی یەكێتی PUKMEDIA ی راگەیاند: "فراكسیۆنی یەكێتی لەئەنجومەنی نوێنەرانی عیراق دەستیكردووە بەكۆكردنەوەی ئیمزای پەرلەمانتاران بەمەبەستی پشتیوانی لەبڕیارەكەی دادگای باڵای فیدراڵی عیراق سەبارەت بەجێبەجێكردنی تەوتینی مووچەخۆرانی هەرێم".

"تائێستا 115 پەرلەمانتارو سەرۆكی 10 فراكسیۆنی كوردستانی و عیراقی ئیمزایان لەسەر یاداشتەكەی فراكسیۆنی یەكێتی كردووەو هەڵمەتەكە بەردەوام دەبێت" كاروان یاروەیس وادەڵێت.

ئەمە لە کاتێکدایە ماوەی سێ رۆژە ئەندامانی فراکسیۆنی یەکێتیی نیشتمانیی کوردستان لە ئەنجومەنی نوێنەرانی عیراق ئیمزای پەرلەمانتاران کۆدەکەنەوە بۆ تەوتینی مووچە و پشتیوانی کردنی بڕیاری دادگای فیدراڵی.

PUKMEDIA