فراكسیۆنی یەكێتی: پەلە بكرێت لەتەوتینكردنی مووچەخۆرانی هەرێم

میدیاکان

كۆبوونەوەی نزار ئامێدی، د.خالید شوانی و فراكسیۆنی یەكێتی لەئەنجومەنی نوێنەران

فراكسیۆنی یەكێتی لەئەنجومەنی نوێنەرانی عیراق پێداگری لەسەر پەلەكردن لە تەوتینكردنی خانەنشینان و فەرمانبەرانی هەرێمی كوردستان دەكاتەوە.

ئەم داوایەی فراكسیۆنەكە لەڕاگەیەندراوێكی نوسینگەی راگەیاندنی فراكسیۆنی یەكێتی لە ئەنجومەنی نوێنەرانی عیراقدا هاتووە كە كۆپییەكی بۆ PUKMEDIA نێردراوە.

لە راگەیەندراوەكەدا ئاماژە بەوەشدراوە: "لە كۆبوونەوەی نزار ئامێدی ئەندامی مەكتەبی سیاسی و د.خالید شوانی، وەزیری داد لە حكومەتی فیدڕاڵ و فراكسیۆنی یەكێتیی نیشتمانیی كوردستان لەئەنجومەنی نوێنەرانی عیراق گفتوگۆ لەبارەی پەلەكردن لەبەبانكی كردنی مووچەی فەرمانبەران و خانەنیشینانی هەرێمی كوردستان و هەڵبژاردنی سەرۆكێكی نوێ بۆ ئەنجومەنی نوێنەران كرا".

هەربەگوێرەی راگەیەندراوەكە، بابەتی سەرژمێری لە عیراق و بەتایبەتی لە ناوچە كێشە لەسەرەكان و چارەسەركردنی هەندێك كێشەی پەیوەست بەم پرسەوە گفتوگۆیان لەبارەوە كراوە.

PUKMEDIA