کۆمسیۆن ئەنجامی کۆتایی هەڵبژاردنی پەرلەمانی کوردستان رادەگەیەنێت

PUKMEDIA

ئامێری دەنگدان

وابڕیارە سبەینێ کۆمسیۆنی باڵای سەربەخۆی هەڵبژاردنەکانی عیراق ئەنجامیی کۆتایی هەڵبژاردنی خولی شەشەمی پەرلەمانی کوردستان رابگەیەنێت.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکان بە وێبسایتی رەسمی یەکێتیی نیشتمانیی کوردستان PUKMEDIA ی راگەیاند: "وابڕیارە سەعات ١٠ی بەیانی سبەینێ چوار شەممە 30-10-2024 کۆمسیۆنی باڵای سەربەخۆی هەڵبژاردنەکانی عیراق ئەنجامی کۆتایی هەڵبژاردنی خولی شەشەمی پەرلەمانی کوردستان بڵاوبکاتەوە".

ئەمەش لەکاتێکدایە لە رۆژی 21-10 کۆمسیۆن ئەنجامیی بەرایی هەڵبژاردنی بڵاوکردەوەو تێیدا یەکێتیی نیشتمانیی کوردستان سەرکەوتنی گەورەی بەدەست هێنا و بەراورد بە هەڵبژاردنی پێشوو دەنگەکانی زیادیکرد.

لە رۆژی 20-10-2024 دەنگدانی گشتی هەڵبژاردنی خولی شەشەمی پەرلەمانی کوردستان لە هەر چوار بازنەکەی هەرێم بەڕێوەچوو، هاوکات رۆژی 18-10-2024 دەنگدانی تایبەت بەڕێوەچوو، کەرێژەی بەشداری کردنی دەنگدەران 72٪ بوو.

PUKMEDIA