بڕیارە بەغدا 200 ملیار دیناری گەنمی جوتیارانی هەرێم بنێرێت

PUKMEDIA

گەنمی جوتیاران

دوو پەرلەمانتاری عیراق لە فراکسیۆنی یەکێتیی نیشتمانی کوردستان رایدەگەیەنن: "دوای هەوڵە بەردەوامەکانی فراکسیۆن بڕیارە بەمنزیکانە، بڕێكی تر لەو پارەیی گەنمی جوتیاران رەوانەی هەرێم بکرێت و بەسەر جووتیاران بدرێت"

کاروان یاروەیس پەرلەمانتاری عیراق لە فراکسیۆنی یەکێتی لەئەنجومەنی نوێنەرانی عیراق بە PUKMEDIA ی راگەیاند: "فراکسیۆنی یەکێتیی هەوڵێ جددی داوە کە پارەی گەنمی جووتیارن بە زووی رەوانەی هەرێمی بکرێت و بەسەر جوتیاران دا دابەش بکرێت".

ئەمساڵ نزیكەی 700 هەزار تۆن گەنم لە جووتیارانی هەرێم وەرگیرا، لە بەرامبەردا پێویستە بەغدا 500 ملیار دینار بۆ هەرێم بنێرێت، بەڵام دوای نزیكەی چوار مانگ تەنیا 212 ملیار بە چەند قۆناغێك نێردراوە و هێشتا 228 ملیار دینار ماوە بنێردرێت.

غەریب ئەحمەد ئەندامی لیژنەی كشتوكاڵی ئەنجومەنی نوێنەرانی عیراقیش دەڵێت: "هەردوو وەزارەتی دارایی و وەزارەتی بازرگانیی عیراق بەڵێنیان داوە بەر لە كۆتایی ئەم مانگە بڕی 200 ملیار دیناری دیكە بۆ جوتیاران رەوانە بکەن".

"88 ملیار دەمێنێت پێشبینی دەكرێت بەر لە دەستپێكردنی وەرزی چاندنی دەغڵودانی ئەمساڵ ئەوەش رەوانە بكرێت"، ئەو ئەندامەی لیژنەی كشتوكاڵی ئەنجومەنی نوێنەران وایوت.
PUKMEDIA