حەوت كەس لەسەر "پۆستێكی فەیسبووك" برینداربوون

PUKMEDIA

وێنەی یەكێك لەبریندارەكان

نیوەڕۆی ئەمڕۆ پاش نوێژی هەینی لەمزگەوتی ناحیەی دارەتووی سنووری قەزای بەردەڕەش لەسەر پۆستێكی فەیسبووك ٧ كەس بریندار بوون

"یەكێتی بوون شانازییە، بە خۆفرۆشانیش ناڕوخێت، بەهیوای سەركەوتن بۆ لیستی ١٢٩"، ئەمە پۆستی گەنجێكی قەزای بەردەڕەشە، بەڵام بووە هۆی دەمەقاڵی لەگەڵ چەن ئامۆزایەكی و بەهۆیەوە ٧ كەس برینداربوون. 

بەڕێوبەری پۆلیسی بەردەڕەش  لەلێدوانێكیدا بۆ گەلی كوردستان دەڵێت: "دوای لێكۆڵینەوەكان دەركەوت رووداوەكە لەسەر كۆمێنتی فەیسبووك بووەو ئامۆزای یەكترین".

"لەسەر رووداوەكە ٣ كەس بە فەرمانی دادوەر دەستگیركراون و لیكۆڵینەوە بەردەوامە" بەڕێوەبەری پۆلیس وادەڵێت.

دوای نوێژی هەینی، دەمەقاڵی لەنێوان چەند كەسێك روویداوەو دواتر بووە بەشەڕیان و ٧ كەس برینداربوون.

PUKMEDIA