تۆمەتبارانی رووداوەكەی كوردسات دەستگیركراون

PUKMEDIA

بنكەی پۆلیسی كوردسات

بەهۆی كێشەیەكی كۆمەڵایەتییەوە شەڕ لەبەردەم بنكەی پۆلیسی كوردسات لەسلێمانی روویداوبەهۆیەوە سێ كەس بریندارن، كە دوو كەسیان ئەفسەرو پۆلیسی بنكەكەن.

بەگوێرەی زانیارییەكان كەسەرچاوەیەك لەپۆلیس بە وێبسایتی رەسمی یەكێتیی نیشتمانیی كوردستان PUKMEDIA ی وت: "رووداوەكە هیچ پەیوەندییەكی بەبنكەكەوە نەبووە، بەڵكو كێشەی كۆمەڵایەتی دوو بنەماڵە بووە كە دوژمنداربوون و پەڕاویان لەبنكەكە هەبووەو سەردانی بنكەكەیان كردووەو بەهۆی دەمەقاڵێوە لەبەردەم بنكەكە شەڕە تەقە روویداوە".

"تەقەكەرەكان دوو كەس بوون و لەلایەن هێزەكانی بەڕێوەبەرایەتی گشتی ئۆپەراسیۆنەكانی دەزگای ئاسایشەوە دەستگیركران و بریندارەكانیش رەوانەی نەخۆشخانە كران" سەرچاوەكە وایوت.

جێی ئاماژەیە، رووداوەكە كۆنترۆڵكراوەو لێكۆڵینەوە دەستیپێكردووە.


PUKMEDIA