كونسوڵخانەی ئەمریكا: رۆژنامەنوسان بەبێ ترس و تۆقاندن كاربكەن

PUKMEDIA

لۆگۆی كونسوڵخانەی ئەمریكا لەهەولێر

ستیڤ بیتنەر كونسوڵی گشتی ئەمریكا لەهەولێر لەڕاگەیاندن و رۆژنامەگەری پرۆفێشناڵ بەبەشیكی گرنگ لەهەر پڕۆسەیەكی دیموكراسی و لێپرسینەوەی بەرپرسان دەزانێت و رایدەگەیەنێت:  "ئەمریكا  پشتیوانی لە هێنانەكایەی ژینگەیەك دەكات كە رۆژنامەنووسان بەئازادی و بێ ترس و كاری تێدا بكەن".

كونسوڵێ گشتی ئەمریكا لە نوێترین گفتوگۆیدا لەبارەی ژینگەو كاری میدیایی لەهەرێم و ئاڵنگارییەكانی بەردەمیان لەگەڵ ژمارەك رێكخراوی بواری داكۆكیكردن لە ئازادی راگەیاندن لە هەرێم كۆبووەتەوە.

كونسوڵخانەكە لەپەیجی رەسمی خۆی لەتۆڕی كۆمەڵایەتی فەیسبووك لەو بارەیەوە دەڵێت: "كۆبوونەوەكەی كونسوڵ و ئەو رێكخراوانە بۆ گفتوگۆكردن بووە سەبارەت بە ژینگەی میدیایی لەهەرێمی كوردستان و ئەو ئاڵنگاریانەی دێنە ڕێی راگەیاندن و رۆژنامەنوسان. "هەروەك" ڕاگەیاندن و ڕۆژنامەگەری پرۆفێشناڵ بەشی گرنگن لەهەر پڕۆسەیەكی دیموكراسی و لێپرسینەوەی بەرپرسان و هۆشیاركردنەوەی رای گشتی بۆ ئەو بابەتانەی كە پەیوەستن پێیانەوە".

 كونسوڵخانەكە رایگەیاندووە: "ویلایەتە یەكگرتووەكانی ئەمریكا پشتیوانی لە هێنانەكایەی ژینگەیەك دەكات كە هەموو ڕۆژنامەنووسان بتوانن ئازادانەو بێ ترس لەتۆقاندن یان جیاكاری و یانیش هەراسانكردن كاری تێدا بكەن، هەروەها پشتیوانی دەكات لە بەتەواوەتی جێبەجێكردنی هەردوو یاسای كاری رۆژنامەنوسی و یاسای مافی بەدەستهێنانی زانیاری ".

PUKMEDIA