لێپرسراوی راگەیاندنی مەکتەبی هەڵبژاردن: دەنگ و کورسی یەکێتی زیادیکردووە

PUKMEDIA

بورهان حاجی سلێمان

بەراورد بە هەڵبژاردنی ساڵی 2018ی پەرلەمانی کوردستان دەنگ و کورسییەکانی یەکێتی بە ڕێژەیەکی بەرچاو زیادیان کردوەو لێپرسراوی راگەیاندنی مەکتەبی هەڵبژاردنی یەکێتی دەڵێت: "دوای راگەیاندنی ئەنجامەکان لەلایەن کۆمسیۆنەوە دەردەکەوێت کەیەکێتی سەرکەوتنی گەورەی بەدەست هێناوە".

لەبارەی ژمارەی کورسییەکانی یەکیتیی نیشتمانیی کوردستانیش بورهان حاجی سلێمان لێپرسراوی راگەیاندنی مەکتەبی هەڵبژاردنی یەکێتی دەڵێت: "نامانەوێت پێش کۆمسیۆن بکەوین و هیچ ئاماژەیەک بە ژمارەی کورسییەکانمان لەهەرێم بدەین، بەڵام کۆمەڵانی خەڵکی کوردستان دڵنیا دەکەینەوە کەئەم ئێوارەیە دوای راگەیاندنی ئەنجامەکان لەلایەن کۆمسیۆنەوە سەرکەوتنە مەزنەکەی یەکێتی دەبینین".

"بەراورد بە هەڵبژاردنی 2018 دەنگەکانی یەکێتی زۆر هەڵکشاوە لەکاتێکدا لایەن هەیە دەنگ و کورسی زۆر کەمی کردووە، لەم روانگەیەشەوە دەتوانین بڵێین یەکێتی سەرکەوتنێکی گەورەی تۆمار کردووە"، بورهان حاجی سلێمان وای وت.

PUKMEDIA