دەزگای ئاسایشی هەرێم: شارستانیانە گوزارشت لەخۆشییەكانتان بكەن

PUKMEDIA

لۆگۆی دەزگای ئاسایشی هەرێم

دەزگای ئاسایشی هەرێم داوا لەهاووڵاتیان دەكات، دوای ئاشكراكردنی ئەنجامی هەڵبژاردن بەشێوازێكی شارستانیانە گوزارشت لەخۆشییەكانیان بكەن و نەبنە هۆی دروستبوونی ئاستەنگی هاتوچۆو دووربكەونەوە لە توندوتیژی و بەكارهێنانی چەك و تەقەكردن.

دەزگای ئاسایشی هەرێم لەراگەیەنراوێكدا داوا لە سەرجەم هاووڵاتیانی هەرێمی كوردستان لە شار و شارۆچكەكان دەكات: "دوای كۆتایی هاتنی پڕۆسەی دەنگدان و ئاشكراكردنی ئەنجامی هەڵبژاردنەكان و كەرنەڤاڵی لایەنە سیاسییەكان، بەشێوازێكی شارستانیانە گوزارشت لەخۆشییەكانیان بكەن و نەبنە هۆی دروستبوونی ئاستەنگی هاتوچۆ لە شەقام و شوێنە گشتییەكان و دووربكەونەوە لە توندوتیژی و بەكارهێنانی چەك و تەقەكردن".

راشیدەگەیەنێت: "بەپێچەوانەوە توندترین سزای یاسایی سەرپێچیكاران دەدرێت و رووبەڕوی یاسا دەكرێنەوە".

PUKMEDIA