سبەینێ سەرۆك بافڵ بۆ بانگەشەی لیستی ١٢٩ لەبادینان دەبێت

PUKMEDIA

سەرۆك بافڵ جەلال تاڵەبانی

سبەینێ دوو شەممە ١٤-١٠-٢٠٢٤، بە ئامادەبوونی بافڵ جەلال تاڵەبانیی سەرۆکی یەکێتیی نیشتمانیی کوردستان، شەشەمین كەرنەڤاڵی مەزن بۆ بانگەشەی لیستی ١٢٩ی یەكێتیی نیشتمانیی كوردستان لە شاری دهۆك بەڕێوەدەچێت.

كاروان گەزنەیی وتەبێژی لیستی ١٢٩ی یەكێتی رایگەیاند: "رۆژی دوو شەممە (١٤-١٠-٢٠٢٤) سەعات ٢ی پاشینیوەڕۆ یەكێتیی نیشتمانیی كوردستان، شەشەمین كەرنەڤاڵی فراوانی خۆی بۆ بانگەشەی هەڵبژاردنی خولی شەشەمی پەرلەمانی كوردستان لە شاری دهۆك ئەنجامدەدات".

"لەو كەرنەڤاڵەدا، (سەرۆك بافڵ جەلال تاڵەبانی)، سەرۆكی یەكێتیی نیشتمانیی كوردستان، وتارێك پێشكەش بە خەڵكی دهۆك وئامێدی و زاخۆو ئاكرێ و شێخان و بەردەڕەش وباتیفاو سەرجەم هاووڵاتییانی هەرێمی كوردستان دەكات"، كاروان گەزنەیی وای وت.

بڕیارە رۆژی ٢٠-١٠-٢٠٢٤، هەڵبژاردن بۆ خولی شەشەمی پەرلەمانی كوردستان بەڕێوەبچێت، یەكێتیی نیشتمانیی كوردستانیش بە دروشمی (كۆتایی پێدەهێنین.) و بەلیستی ١٢٩ و بە ١٧٢ كاندیدەوە كەبەسەر چوار بازنەدا دابەشبوون بەشداری هەڵبژاردن دەكات.

PUKMEDIA