رەفعەت عەبدوڵڵا: هەڵبژاردنی ١١بەهیچ كۆتاییهات

PUKMEDIA

رەفعەت عەبدوڵا لەمیانی بانگەشەی هەڵبژاردن

رەفعەت عەبدوڵڵا سەرپەرشتیاری بازنەی سلێمانی لیستی ١٢٩ی یەکێتی رایدەگەیەنێت:" لەبەردەم هەڵبژاردنێكی چارەنوسسازداین  كەیەكلایكەرەوە دەبێت بۆ گەلەكەمان و هەنگاوێك دەبێت بۆ كۆتایهێنان بەحكومەتی خۆسەپێن و بۆتە هۆكاری خراپترین ئاستی ژیان و گوزەرانی خەڵك و نەبوونی مووچەو خزمەتگوزاری".

رەفعەت عەبدوڵڵا بە ئامادەبوونی مامۆستا جوامێر و عومەری حاجی ئەحمەد و دلاوەری حاجی عوسمان لەگەڵ خزمانی عەشیرەتی شاتری و وردە کۆبوەوە و باسی لەهەوڵەكانی سەرۆك بافڵ و یەكێتی كرد لەبەغدا بۆ گرەنتی وەرگرتنی مووچە و گۆڕینی یاسای هەڵبژاردن و رایگەیاند:" هەڵبژاردنی ئەمجارە ١١بەهیچ كۆتاییهات و تۆماری دەنگدەران پاككراوەتەوە لەناوی ساختە و ناوی مردووەكان" و داوایکرد  عەشیرەتی شاتری و وردە  دەنگەكانیان بۆ لیستی ١٢٩  ببێت.

دواتر  دلاوەری حاجی عوسمان بەوردی باسی لەسیاسەتە راستەقینەكەی یەكێتی كرد كە بۆخزمەتی كۆمەڵانی خەڵكە و ستراتیژێكی نوێ پەیڕەودەكات و جێگەی ئومێدی هەموو خەڵكە هیوای خواست خزمانی شاتری دەنگ بەلیستی ١٢٩ی یەكێتی.

هاوکات مام حەسەن بەناوی عەشیرەتی شاتری وردە و خزمانی شاتری وردەوە تەئكیدی لەوەكردەوە دەنگی خزمانی شاتری دەنگی یەكێتی و لیستی ١٢٩یە و ئەوەی لەتوانایاندا بێت درێغی ناكەن، ئاماژەی بەوەشدا تەنها یەكێتییە دەتوانێت خزمەت بەكۆمەڵانی خەڵكی كوردستان بكات".

PUKMEDIA