شاڵاو کۆسرەت رەسوڵ: لایەنی سیاسی بەرامبەرمان لە حوکمڕانی و سیاسەت ئیفلاسی کردووە

PUKMEDIA

شاڵاو کۆسرەت رەسوڵ لەناو جەماوەری هەولێر

شاڵاو کۆسرەت رەسوڵ رایگەیاند:" لایەنی سیاسی بەرامبەرمان لە حوکمڕانی و سیاسەت ئیفلاسی کردووەو  بە درۆو دەلەسەو قسەی نادروست دەیانەوێت باری خۆیان راست بکەنەوە".

 
ئەم وتانەی شاڵاو کۆسرەت رەسوڵ سەرۆکی لیستی یەکێتیی لە پارێزگای هەولێر لە میانی کۆبوونەوەیەکیدا بوو لەگەڵ  خزمانی خۆشناوەتی سنووری مەسیف، شەقڵاوەو هیران  کە د. دارا رەشید و زێندین مەولود  یاوەری بوون.

لەو کۆبوونەوەیەدا کە رۆژی 10/10/2024 بوو، لەوتەیەکیدا  داوایکرد بەگڕوتینەوە دەرگا بە دەرگا بکەن  بۆ سەرخستنی لیستی 129 و کاندیدەکانی یەکێتی و وتی:" چۆن لەکەرکوکی قودسی کوردستان توانیمان سەرکەوتنێکی گەورە بەدەست بێنین، بەهەمان شێوە لە هەولێرو دهۆک و سلێمانی و گەرمیانیش سەرکەوتنێکی گەورە بەدەست بهێنین".

وتیشی:" ئەمجارە بەپشتیوانی خەڵکی خۆمان، یەکێتی دەتوانێت حوکمڕانی راست بکاتەوەو خۆشگوزەرانی بۆ خەڵک بگەڕێنینەوە، ئەمەش بە دەنگدان بەلیستی (١٢٩)ی یەکێتیی نیشتمانیی کوردستان دەکرێت".

PUKMEDIA