سەركەوت زەكی: کار بۆ وەرگرتنەوەی پۆستی سەرۆکی حکومەت دەکەین

PUKMEDIA

كۆبوونەوەی رێكخراوەیی سەركەوت زەكی

سەرکەوت زەکی ئەندامی مەمتەبی ساسیی یەکێتیی نیشتمانیی کوردستان رایدەگەیەنێت: "كار بۆ ئەوە دەكەین پۆستی سەرۆكی حكومەت وەربگرینەوەو بەمافی خۆمانی دەزانین، چونكە ئەم حكومەتە نەیتوانیوە لەئاست خواستی خەڵكدا بێت".

ئەو وتەیەی سەرکەوت زەکی لەمیانی سەردان و کۆبوونەوەی رێکخراوەییدا بوو کە زوبێر عوسمان و ئاسۆس عەلی ئامادەیبوون و لەوتەیەكدا رایگەیاند: "كار بۆ ئەوە دەكەین سەرۆكی حكومەت وەربگرینەوە و   ئەم حكومەتە نەیتوانیوە لەئاست خواستی خەڵكدا بێت و حكومەتێكی قۆرخكارە".

"خەڵك هەموو ئومێد و هیوایەكیان بەیەكێتیی نیشتمانیی كوردستانە،  ئامانجی یەکێتی راستکردنەوەی رێڕەوی حكومڕانییە و یەکێتیی دەتوانێت کۆتایی بەو قۆرخکاریی و خۆسەپێنیە بهێنێت و لەجێگەی حکومەتی خزمەتگوزار بهێنێتە کایەوە کە خزمەتی خەڵك بكات و چیتر چارەنووسی خەڵك نەكرێتە گەمەیەكی سیاسی و نان و قوتی و مافی كۆمەڵانی خەڵك دابین بكرێت" سەرکەوت زەکی وايوت.

PUKMEDIA