بە ئامادەبوونی سەرۆک بافڵ چوارەمین کەرنەڤاڵی لیستی ١٢٩ لە گەرمیان بەڕێوەدەچێت

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بە ئامادەبوونی بافڵ جەلال تاڵەبانی سەرۆکی یەکێتیی نیشتمانیی کوردستان و بە دروشمی "کۆتایی پێ دەهێنین" چوارەمین کەرنەڤاڵی ناساندنی کاندیدانی لیستی ١٢٩ـی یەکێتی لە گەرمیان بەڕێوەدەچێت.

سەرۆک بافڵ لە کەرنەڤاڵەکەدا کە ئەمڕۆ سێشەممە ٨ـی ١٠ـی ٢٠٢٤، سەعات ٤ لە کەلار و بە دیاریکراوی لە یاریگای شێروانە (مەلعەبە کۆنەکە) دەستپێدەکات، پەیامێک ئاڕاستەی  گەرمیانییەکان و تەواوی خەڵکی هەرێمی کوردستان دەکات.

لە رۆژی دەستپێکردنی بانگەشەوە کە ٢٥ـی ٩ بوو، لیستی ١٢٩ـی یەکێتیی نیشتمانیی کوردستان بە ئامادەبوونی سەرۆک بافڵ سێ کەرنەڤاڵی بۆ ناساندنی کاندیدەکانی ئەنجامداوە لە سلێمانی، هەڵەبجە و کۆیە، ئەمڕۆش چوارەمین کەرنەڤاڵ لە کەلار ئەنجام دەدات.

پێشتر سەرۆک بافڵ لە کەرنەڤاڵەکاندا ئاماژەی بە کێشە و گیروگرفتەکانی حکومڕانی هەرێمی کوردستان کردووە و دووپاتی کردەوە: "کۆتایی بە دەسەڵاتی خۆسەپێن دەهێنین".

"کۆتایی پێ دەهێنین" دروشمی سەرەکی یەکێتیی نیشتمانیی کوردستان-ە بۆ هەڵبژاردنی خولی شەشەمی پەرلەمانی کوردستان کە بڕیارە رۆژی ٢٠ـی ١٠ـی ٢٠٢٤ ئەنجام بدرێت، هەروەها لیستی ١٢٩ـی یەکێتی بە ١٧٢ کاندید بەشداری دەکات کە دابەشبوون بەسەر چوار بازنەی هەڵبژاردندا، ئەوانیش؛ سلێمانی ٧٢ کاندید، هەولێر ٦٤، دهۆک ٣٠، هەڵەبجە ٦ کاندیدن.
PUKMEDIA