قوباد تاڵەبانی: تەنها یەکێتی توانای گۆڕینی شێوازی حکومڕانی هەیە

PUKMEDIA

قوباد تاڵەبانی لێپرسراوی مەکتەبی سکرتارییەتی سەرۆک مام جەلال لە سنووری پشدەر

لە چوارچێوەی هەڵمەتی بانگەشەی هەڵبژاردندا، قوباد تاڵەبانی، لێپرسراوی مەکتەبی سکرتارییەتی سەرۆک مام جەلال لە سنووری پشدەر سەردانی ناحیەی ئیسێوە و گوندەکانی دەوروبەری کرد.

لە دوو کۆبوونەوەی جەماوەری لە ناحیەی ئیسێوە و گوندی "باوزێ"ێی شەهیدان، قوباد تاڵەبانی باسی لە گرنگیی هەڵبژاردنەکانی ئەم خولەی پەرلەمانی کوردستانی کرد و روونی کردەوە کە بۆچی گرنگە لەم هەڵبژاردنەدا دەنگ بە یەکێتیی نیشتمانیی کوردستان بدرێت راشیگەیاند: "یەکێتی لە سێ ساڵی رابردوودا بە سەرۆکایەتی بافڵ جەلال تاڵەبانی بەردەوام خەریکی خۆڕێکخستنەوە بووە تا بتوانێت بە هێزێکی زیاترەوە گۆڕانکاری لە شێوازی حکومڕانی هەرێمی کوردستاندا بکات".

"یەکێتی و سەرۆکەکەی ویست و ئیرادەیەکی بەهێزیان هەیە کە بە پشتبەستن بە دەنگ و ئیرادەی خەڵکی کوردستان لە دوای هەڵبژاردن بە هەموو هێز و تواناوە کاربکەن بۆ راستکردنەوەی رێڕەوی حکومڕانی هەرێم، تەنها یەکێتی توانا و هێز و کەرەستەی پێویستی هەیە بۆ چاکسازیی بنەڕەتی و گۆڕینی شێوازی حکومڕانی"، قوباد تاڵەبانی وای وت.
PUKMEDIA