سەرکونسوڵی کۆماری ئیسلامی ئێران: سەرۆک مام جەلال پارێزەری یەکێتی خاکی عیراق بوو

PUKMEDIA

سەرۆک مام جەلال

سەرکونسوڵی کۆماری ئیسلامی ئێران پەیامێک ئاڕاستەی سەرۆک بافڵ دەکات بۆ حەوتەمین ساڵیادی کۆچی دوایی سەرۆک مام جەلال رایدەگەیەنێت: " سەرۆک جەلال تاڵەبانی رۆڵێکی کاریگەری بێوێنەی هەبوو بۆ دابینکردنی ئاسایش و خۆشگوزەرانی بۆ تەواوی خەڵکی عیراق".

محەمەد مەحمودیان سەرکونسوڵی کۆماری ئیسلامی ئێران لە سلێمانی پەیامێک بۆ حەوتەمین ساڵیادی کۆچیدوایی سەرۆک مام جەلال ئاڕاستەی بافڵ جەلال تاڵەبانی سەرۆکی یەکێتیی نیشتمانیی کوردستان دەکات و رایدەگەیەنێت: "یادی ئەو کەسایەتییە بەرز و باڵایە بەرز رادەگرین، سەرۆک مام جەلال نزیکەی شەش دەیە بۆ ئازادی گەلی عیراق بە هەموو زمان و پێکهاتەکانییەوە خەباتی کردووە".

"سەرۆک جەلال تاڵەبانی رۆڵێکی کاریگەری بێوێنەی هەبوو بۆ دابینکردنی ئاسایش و خۆشگوزەرانی بۆ تەواوی خەڵکی عیراق و پاراستنی یەکێتی خاک و تەبایی نەتەوەیی عیراق"، محەمەد مەحمودیان وا دەڵێت.

PUKMEDIA