پەیامەكان بۆ ساڵیادی شكۆی نەتەوەو نیشتمان

PUKMEDIA

سەرۆك مام جەلال

ئەمڕۆ حەوت ساڵ بەسەر ژیانئاوایی شكۆی نەتەوەو نیشتمان سەرۆك مام جەلال-دا تێدەپەڕێت، بەو بۆنە خەمناكەوە ژمارەیەك پەیام بڵاوكراونەتەوەو تێیاندا بەڵێنی درێژەپێدان بە رێبازەكەی و كاروانەكەی بۆ بەدیهتنی تەواوی مافە رەواكانی گەلەكەمان دووپاتكراونەتەوە.

دەقی پەیامەكان:

رەفعەت عەبدوڵڵا: مام جەلالی رابەر تەمەنی بۆ كوردایەتی و دیموكراسی تەرخانكرد

لەحەوتەمین ساڵیادی ماڵئاوایی سەرۆك مام جەلالدا

مێژووی خەبات و تێكۆشانی درەوشاوەی سەرۆك مام جەلال، مێژوویەكی پڕ شانازی و سەروەرییە بۆ گەلەكەمان بەتایبەتی لە رێبەرایەتیكردنی شۆڕشی نوێی گەلەكەمان، كە خوێندنگەیەكی كوردپەروەرانە بووە بۆ ڕابردوو و  ئێستا و  داهاتوشمان،  بۆ نەوەكانمان، مام جەلالی رابەر سەراپای تەمەنی خۆی بۆ كوردایەتی و دیموكراسی و ئازادی و بەدیهێنانی مافەڕەواكانی گەلەكەمان تەرخانكردبوو، بۆیە ئەمڕۆ لە حەوتەمین ساڵیادی مامی رابەردا، درود و سڵاو دەنێرین بۆ رۆحی پیرۆزی سەرۆك مام جەلال و بەڵێنی پێدەدەین درێژەپێدەری رێبازەكەی بین و لە كاروانەكەی بەردەوام بین تابەدیهتنانی تەواوی مافە رەواكانی گەلەكەمان.

هەزاران سڵاو لەگیانی پاكی سەرۆك مام جەلال 
درود بۆ رۆحی پاكی شەهیدان

رفعەت عەبدوڵڵا

دەرباز كۆسرەت رەسوڵ: مام جەلال ئیلهام بەخشی كوردایەتی بوو

ئەمڕۆ بە شكۆوە یادی كۆچی دوایی سەرۆك مام جەلال دەكەینەوە، بەڵێن دەدەین كە پارێزەری رێبازەكەی بین و بە وەفابین بۆ خوێنی شەهیدان و تێكۆشەرانی راستەقینەی یەكێتییەكەمان.

مام جەلال رێ نیشاندەرو ئیلهام بەخشی كوردایەتی بوو، مام نەك تەنها لە كوردستان و عیراق بەڵكو لەسەر ئاستی جیهان كۆتری ئاشتی و سیمبولی پێكەوە ژیان بوو، رێبازی مام جەلال بە ئیلهام بەخشین لە شاڕێگەی خەباتی كاك كۆسرەت و ماندوبوونی هێرۆخان هەر بەردەوام دەبێت و هەنگاو دەنێین بۆئەوەی یەكێتی لە رێبازی كوردایەتی و بەرخودان هەمیشە بەردەوام بێت. 

یاد و یادەوەری هەمیشە زیندوو بێت.

دەرباز كۆسرەت رەسوڵ

سەركەوت زەكی: رابەرمان رێبازەكەت بەردەوامە

 
پەیامی سەركەوت زەكی 
بۆ ساڵیادی سەرۆك مام جەلال 

لەم یادە پڕشكۆیەدا سەری ڕێز و نەوازش لە ئاست مێژووە پڕ سەروەرییەكەی سەرۆك مام جەلال‌دا دائەنەوێنین و دەستی ڕێز بە سنگەوە دەگرین لەئاست  خەبات و تێكۆشانی بێ وچانی مامی رابەرمان، پێیدەڵین “رابەرمان رێبازەكەت بەردەوامەو لەسەر رێچكەی خوێندنگەكەی تۆ ئێستا یەكێتیی لەوپەری بەهێزیداو لەم هەڵبژاردنەدا دەیەوێت كۆتایی بەو ناداد پەروەرییە بهێنین كە هاتۆتەدی و ئێستا  دەسەڵاتێكی قۆرغكار دەیبات بەڕێوە، بەڵێن دەدەین بەردەوام بین لەسەر رێبازی پیرۆزت. 

درود بۆ ڕۆحی پاكی سەرۆك مام جەلال،
هەزاران درود بۆ گیانی پاكی شەهیدان.

سەركەوت زەكی 
ئەندامی مەكتەبی سیاسی

PUKMEDIA