دوای وتارەكەی سەرۆك بافڵ كاتی دابەشكردنی مووچەی راگەیەندرا

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

ئێوارەی ئەمڕۆ بافڵ جەلال تاڵەبانی سەرۆكی یەكێتیی نیشتمانیی كوردستان لە كەرنەڤاڵی لیستی ١٢٩ی یەكێتی لە هەڵەبجە وتارێكی پێشكەشكردو ئاشكرایكرد، موچە لەبەر یەك هۆكار لەبەغداوە نایەت بۆ كوردستان چونكە دەسەڵاتدارانی حكومەتی هەرێم دەیانەوێت پارەكە لە بانكی خۆیانەوە دابەشبكرێت تا لەوەشدا قازانج بكەن. 

دوای وتەكانی سەرۆكی یەكێتی وەزارەتی دارایی و ئابوری هەرێمی كوردستان راگەیەندراوێكی بڵاوكردەوە كە تیایدا هاتووە، رۆژی هەینی دەستبەدابەشكردنی مووچەی مانگی ئاب دەكرێت و لەماوەی چەند ڕۆژێكدا مووچەی سەرجەم فەرمانبەران و مووچەخۆران دابەش دەكرێت.

ئاماژەی بەوەشكردووە، لەهەفتەی داهاتودا، راستەوخۆ دەست بەدابەشكردنی مووچەی مانگی ئەیلوولیش دەكرێت.

PUKMEDIA