‎سەعدی پیرە: تەنها یەکێتی سەکۆی بەدیهێنانی ئامانجەکانە

PUKMEDIA

سەردانی وتەبێژی یەکێتی و وەفدێکی هاوڕێی بۆ کۆمیتەی هیران

سەعدی ئەحمەد پیرە وتەبێژی یەکێتیی نیشتمانیی کوردستان دەڵێت: "تەنھا یەکێتی سەکۆیەکی گرنگی بەدێھێنانی ئامانج و بەرنامە دروستەکانە".

سەعدی ئەحمەد پیرە وتەبێژی یەکێتی بە یاوەری وەفدێک سەردانی کۆمیتەی هیران-ی کرد و ستایشی ئەو گەرم و گوڕییەی کادیران و ئەندامانی یەکێتیی نیشتمانیی كوردستانی كرد لەتەواوی شارەکانی هەرێمی كوردستان و داواشی کرد: "بکەونە خۆ ماڵ بەماڵ دەنگ بۆ یەکێتیەکەیان کۆبکەنەوە، بەو ئامانجەی تەنھا یەکێتی سەکۆیەکی گرنگی بەدێھێنانی ئامانج و بەرنامە دروستەکانە"

"بەگوڕو تینەوە بەشدارییەكی بەرفراوانی پرۆسەی ھەڵبژاردنەکان بکەن و ھەوڵەکان چڕبکەنەوە بۆ سەرخستنی لیستەکەیان لیستی شەھیدان و کاروانی ئاوەدانی و لیستی خوێنی شەھیدانی سەرکردە"، وتەبێژی یەکێتی وای وت.

‎لەلایەن خۆشیانەوە کادران و ئەندامانی سنووری کۆمیتەی هیران، بەڵێنیان دووپاتکردەوە، کە دەنگ لیستی ١٢٩ و کاندیدەكانی دەدەن و ھەمووان پێکەوە ھەنگاوەکانیان بۆ سەرکەوتنی یەکێتی و یەکێتیەکان یەک دەخەن

وتەکانی سەعدی ئەحمەد پیرە لەکاتێکدایە رۆژی سێشەممە ١ـی ١٠ـی ٢٠٢٤، ھەڤاڵ سەعدی ئەحمەد پیرە بەیاوەری هەڤاڵان شێخ فەزڵ هیرانی، نیار عوزێری ئەندامی ئەنجومەنی پارێزگای هەولێر، هۆگر كاوانی راوێژكار لە مەكتەبی سكرتاریەتی سەرۆك مام جەلال، مامۆستا شێرزاد شێخانی كاندیدی ژمارە ١٣ لە بازنەی هەولێر، نوژەن ئازاد عوزێری كاندیدی ژمارە ٧ لە بازنەی هەولێر سەردانی كۆمیتەی هیران-یان كرد و لەلایەن شێخ سامان هیرانی لێپرسراوی کۆمیتەو ژمارەیەک لەكەسایەتی و كادیران و ئەندامی سنوری کۆمیتەی هیران بەگەرمی پێشوازیان لێکرا.

PUKMEDIA